اپوزيشن په خپله لومه كښې ښكېل شوے، څوك هم د قانون نه بالاتر نه دي، په ګرانې به زر قابو بيامومو. د سېنېټر شبلي فراز ټي وي چېنل سره خبرې

اسلام آباد 08 اپريل (اے پي پي) د پاكستان تحريك انصاف لارښود سېنېټر شبلي فراز وئيلي دي د اپوزيشن ګوندونو د خپلو مفاداتو لپاره تحريك چلولو، اپوزيشن په خپله لومه كښې ښكېل شوے، مونږ به خپلې كاركردګۍ ته پام لرنه كوو، قانون سازې او اصلاحات ته به پام كولې شي. څوك هم د قانون نه بالاتر نه دي، په ګرانې به زر قابو بيامومو. ده دا خبرې د زيارت په ورځ نجي ټي وي چېنل سره وكړې ۔ ده ووئيل د اپوزېشن په تحريك كښې نه كوم زور شته او نه كوم مقصد لري۔دوي يوازې خپلې ذاتي ګټې لپاره كار كوي٬اوس د اپوزېشن اتحاد بې نقابه شوے۔ده ووئيل اپوزېشن په هېواد كښې د يو قسم انشتهار خپرولو هڅه كړې او په دې وجه مونږ خپلې هڅې او كاميابۍ اولس ته وړاندې نه كړې شوې۔ده ووئيل دا مونږ لپاره يو ډېر لويې بدلون دے چې مونږ د شور او د منفي سياست نه خلاص شوو او د اولس ستونزې حل كولو٬ ګراني كمولو٬قانون سازۍ او د اولس خذمت ته پام وكړے شو۔ده ووئيل د هر يو كس خپل قابليت او صلاحيت وي او كپتان ته معلومه وي چې كوم يو كس په كوم پوزېشن لوبول دي٬اوس زمونږ د حكومت نيمه موده تېره شوې٬اوس مونږ هڅه كوو چې په بشپړه توګه د هېواد او قام پرمختګ لپاره اقدامات وكړو۔