په كرپشن كښې ككړ اپوزيشن د اولس نه بلكې د خپل سياست فكر كوي. ډاكټر فردوس عاشق اعوان

لاهور 05 دسمبر (اے پي پي) د پنجاب وزيراعلٰي د اطلاعاتو خاص مرستيالې ډاكټر فردوس عاشق اعوان وئيلي دي چې په كرپشن كښې ككړ اپوزيشن د اولس نه بلكې د خپل سياست فكر كوي. د كورونا صورتحال په اړه په خپل بيان كښې هغې ووئيل چې د پي ډي اېم ټولګې د عقل نه ړوند دے كوم ته چې كورونا په نظر نه راځي، د كورونا وبا په تندې سره مخ په زياتېدو ده او د مرګ شرح هم زياتېږي. هغې ووئيل چې په پنجاب كښې د رنځورانو تر ټولو زياته شمېره په لاهور كښې ده، په لاهور كښې د كورونا د رنځورانو شمېره د 60 زرو نه اوړېدلې. هغې ووئيل چې په اوسنيو حالاتو كښې د كومې هم اجتماع په نتيجه كښې د وبا لا زياتېدو اندېښنه ده او پي ډي اېم اولس د خپل منفي سياست ښكار كوي. اپوزيشن عناصر دې په قوم رحم وكړي او د انسانانو ژوند سره دې لوبې نه كوي.