اسلام آباد۔21اکتوبر(اے پی پی) صدر ډاكټر عارف علوي وئيلي دي حکومتي چارواکي بايد پاكستان ته د پېښو چېلنجونو مقابلې له غوره نړيوالو پالېسيو سره همغږي ولري۔ ده دا خبره د شورؤ په ورځ د نېشنل سكول آف پبلك پالېسي بورډ آف ګورنرز غونډې ته خطاب كښې وكړه۔ غونډه كښې د بشري حقونو وفاقي وزيرې ډاكټر شيريں مزاري ، د اسټېبلشمنټ سېكرټري ډاكټر اعجاز ٬ د اېن اېس پي پي رېكټر او د بورډ نورو غړو ګډون كولو۔ صدر ډاكټر عارف علوي ووئيل د نېشنل اسکول آف پبلک پالیسی افسرانو د كار استعداد زياتولو له دې آن لائن كورسز پېل كړے شي۔ هغه ووئيل حکومتي چارواکي دې پاكستان ته د پېښو چېلنجونو مقابلې له غوره نړيوالو پالېسيو سره همغږي ولري۔ په دې مهال صدر ته بريفنګ كښې ووئيلے شؤل اېن اېس پی پی د مډ کیریئر مېنجمنټ کورس موده په دوو برخو كښې وېشلې ده۔ د افسرانو د 10 اونيو ټرېننګ اېن اېس پي پي او د 4 اونيو ټرېننګ به اړوندې سپېشلائزډ ټرېننګ ادارې كوي۔ بورډ آف ګورنرز سرچ کمېټي جوړه كړه كومه به چې د ډينز ټاكنې له معيار او د شرطونو مسودې سره ضابطې رامخې ته كوي ۔ دغسې بورډ د اېن اېس پي پي د ګرېډ 17 افسرانو د ترقۍ چارو سره سره د نورو اړوندو پرېكړو توثيق وكړو
