د هند ناظم الامور خارجه دفتر ته راوغوښتلے شو ۔ د ستمبر په 28 مه نېټه د كنټرول لائن په تندار سېكټر كښې د جنګ بندۍ په خلاف ورزۍ ورته احتجاج رېكارډ كړے شو

اسلام آباد ۔ 29 ستمبر (اے پی پی) د هند ناظم الامور ګورو اهلو واله خارجه دفتر ته راغوښتلے شوے او ورته د ستمبر په 28 مه نېټه د قابضو هندي ځواكونو لخوا د لائن آف كنټرول (اېل او سی) تندار سېکټر كښې د جنګ بندۍ په خلاف ورزو سخت احتجاج ريكارډ كړے شوے ۔ د هند ډزو په نتيجه كښې 15 كلن بې ګناه وګړے شهيد او د يوې مېرمنې پشمول 4 وګړي ټپيان شوي وو۔ د نهې په ورځ د خارجه دفتر وياند له مخې د سوئيلي آ سيا او سارك ډي جي د هند ناظم الامور خارجه دفتر ته راغوښتلو او ورته احتجاجي مراسله وركړې شوه ۔ د هند ناظم الامور ته ووئيل شول شهري ودانۍ په نښه كولې شي او دا د انساني عظمت ٬ وقار ٬ بشري حقونو او د بشري حقونو په اړه د نړيوال قوانين خلاف ورزي ده۔ د هند لخوا د جنګ بندۍ دا خلاف ورزۍ سيمه ايز امن او سلامتيا سنګينو خطرو سره مخ كولې شي چې نتيجه ئې د ستراتيجيكي غلطۍ په شكل رامخې ته كېدې شي۔ هند د روان كال په مهال 2387 وارې د جنګ بندۍ خلاف ورزۍ كړي كومو كښې چې 19 بېګناہ وګړي مړه او 191 ژوبل شوي۔ د هند ناظم الامور ته ووئيل شول په اېل او سي تاؤ تريخوالے زياتولو سره هند مقبوضه كشمير كښې د بشري حقونو خلافو ورزيو نه د نړۍ پام بلخوا كولې نه شي۔ په هند زور راوړلے شو چې هغه دې د كال 2003 د جنګ بندۍ لوظنامې خيال وساتي۔ د جنګ بندۍ د خلاف ورزو پېښو بايد تحقيقات وكړ ېشي ۔ هندي پوځ ته دې د جنګ بندۍ د احترام امر وكړے شي۔ په اېل او سي او وركنګ بونډري دې د دغې د روح له مخې امن په ځائې وساتلے شي او د ملګرو ملتونو د سلامتي كونسل د قراردادونو له مخې دې هند د ملګرو ملتونو پوځي مبصرينو ته د خپل كردار ترسره كولو اجازه وركړي