اسلام آباد ۔ 21 ستمبر (اے پی پی) د كشمير او ګلګت بلتستان چارو وفاقي وزير علي امين خان ګنډاپور وئيلي دي پاكستان د نړۍ ټولې شخړې د مذاكراتو د لارې د هوارولو په حاجت زور راوړے۔ د امن نړيوالې ورځې په مهال خپل پېغام كښی ده ووئيل پاكستان نړۍ كښی تل پاتې امن په ځائې كولو له خپل بشپړه كردار ترسره كوي۔ افغانستان كښې تل پاتي امن له د پاكستان كردار په ګرده نړۍ كښې ستائلے شي۔ ده ووئيل د كشمير او فلسطين شخړو د لاسه د نړۍ امن خطر سره مخ دے۔ د كشمير مسئلې په اړه د ملګرو ملتونو قراردادونه موجود دي ولې سره د دې هند كشميريانو ته د خپلواكۍ حق وركولو نه انكاري دے۔ علی امین ووئيل د اسلامو فوبيا مخ په زياتېدونكې پېښې نړيوال امن لپاره ډېرې خطرناكې دي۔ ده ووئېل د يو بل د عقيدو ٬ نظريو او رسم ورواج احترام نړۍ كښې امن له ضروري دے۔ ده ووئيل د عمران ملګرو ملتونو كښې تقرير نړۍ كښې د امن د هڅو يو مثال دے۔ ده ووئيل نړۍ د درېم نړيوال جنګ څخه ساتلو له بايد د نړيوال قوانين احترام وكړے شي
