اسلام آباد 29 ستمبر (اے پی پی) صدر ډاکټر عارف علوی او وړومبنۍ ميرمن ثمینه علوی د سينې كينسر په اړه خبرتيا ته زياتولو په حاجت زور راوړلو سره وئيلي دي د ناروغۍ په وخت تشخیص سره د مرګ شرح كميدې شي، د سينې د کینسر له امله د مرګ شرح سوئيلي اسياﺀ كښې په پاكستان كښې د نورو هېوادونو په مقابل كښې زياته ده۔ د ایوان صدر میډیا ونګ د اړخه جاري بيان له مخې د نهې په ورځ ایوان صدر كښې د سینئر خبريالانو او اینکرز سره خاص نشست په مهال دوي په دې خبره زور راړو چې اولس دې د دې ناروغۍ د حساسیت څخه خبر كړے شي او په خاص توګه اکتوبر كښې د نړيوالې ورورولۍ سره سره د سينې کینسر په اړه شعور دې رابيدار كړے شي كوم ته چې پنك ربن كمپائن هم وئيلے كيږي۔ صدر ډاکټر عارف علوی ووئيل پاکستان كښې هر كال 90 زره ميرمنو ته د سينې كينسر لګي او 40 زره ميرمنې د سينې د كينسر له امله ژوند څخه لاس وينځي۔ دغسې پاکستان كښې د سينې د كينسر له امله د مرګ شرح 45 فیصد ده او په نورور هېوادونو كښې په نړيواله كچه د مرګ شرح 2 نه تر 4 فیصد ده۔ ده ووئيل د سينې د كينسر په وخت تشخیص سره پھ درملنه كم خرڅ راتللے شي او دې سره د رنځورانو د ښه كيدو تناسب هم زياتيدے شي۔ وړومبنۍ ميرمن ثمینه علوی په ميرمنو زور راوړو چې د ناروغۍ په ابتدائی علامات كښې سستی ونه كړئ ځكه چې د شعور کمی په وجه هر كال ګڼ شمير ميرمنې ژوند څخه لاس ونځي۔ دې د پنك ربن په اړه د راروان خبرتيا په شيډول رڼا اچولو سره ووئيل په دې اړه به زه د ملتان، پېښور او د هېواد د نورو ښارونو دوره كوم دغسې چې سکولز، کالجز او د این جی اوز په اشتراك سره سیمینارز كښې خبرتيا راپيدا كړې شي۔ د خصوصی نشست په مهال صدر ډاکټر عارف علوی او وړومبنۍ ميرمن ثمینه علوی د سينې د كينسر په اړه د خبرتيا كمپائن په اړه د بيلو پوښتنو ځوابونه هم وركړل او په میډیا د خبرتيا كمپائن چلولو په اړه ئې تجاویز هم وركړل
