د شاه محمود قرېشي د ملګرو ملتونو د اے او سي ډلې د لوړې كچې كلنې غونډې ته وېنا

اسلام آباد 30 ستمبر (اے پي پي) خارجه وزير شاه محمود قرېشي وئيلي دي ” د تهذيبونو د ټكر” غږونه اوس هم راپورته كېږي٬ پاکستان د هېواد دننه او بهر د مذهبي زغم و تحمل ٬ همغږۍ او د مرستې ودې لپاره پخپل لوظ كاربند دے۔ د ملګرو ملتونو د اے او سي ډلې د لوړې كچې كلنې غونډې ته خپله وېنا كښې خارجه وزير ووئيل د نننۍ نړۍ د ټولو نه لوي تضاد دا دے چې كه يو خوا عالمګيريت خلق يو بل ته رانزدې كړي نو بلخوا د دې ټولنو ترمېنځه تقسيم او تفريق ئې هم راپېدا كړے ٬ د ”تهذيبونو د ټکراٶ” غږونه اوس هم پورته كېږي٬ مونږ په نړۍ كښې د مذهبي اعتقادات په بنياد د عدم برداشت٬ امتيازي رويې٬ نسل پرستۍ٬ د كركې خپرونكو خبرو او تشدد مخ په زياتېدو وينو٬ د كرونا د ېرې په بنياد نسل پرستۍ له هوا وركول او بدنامول او استحصال كول د رامخئ ته چېلنج ژوره څرګندونه ده۔ده ووئېل د مذهبي تنګ نظرۍ منفي خيالاتو زمونږ د منطقې پشمول په يو شمېر ځايونو د كرونا نړيوالې وباء د لاسه د وړاندې نه د پرېشان حال اولس ستونزې لا زياتې كړي۔ ده ووئيل نن اسلام څخه كركه او بېزاري د شك نه غېر د فسطائيت د علمبردارو ډلو(ګوندونو) د منشور برخه ده، حجاب ته سياسي رنګ وركوي٬ د غواء و رکھشا په نامه خلق په نښه كوي۔ده ووئېل د قرآن پاك بې حرمتي كوي او ھغه سوځوي، د اسلام د مقدسو ځايونونو او علامتونو بې حرمتي كوي او د رائيو د اظهار د آزادۍ په نامه ٬ راپارول كوي او قصداً د خاكو او مقابلو تابيا كوي۔ده ووئېل د تهذيبونو د اتحاد او د يو دوست غړي په حېث مونږ د موسئسانو د بصيرت تر مخه په پاکستان كښې او بهر د مذهبي زغم و تحمل ٬ همغږۍ او د مرستې ودې لپاره په عزم كاربند يوو٬ په دې وروستيو كښې د نړۍ د ټولو لويه ګوردواره كرتارپور راهداري پرانستلو سره پاكستان په دې لړ كښې د خپل كلك عزم عملي څرګندونه كړې چې د لارې ئې ګاٶنډي هېواد او د نړۍ سكه ټولنې ته د دوي مقدسو ځايونو ته آسانه رسنه وركړې شوې دغسې چې ھغوي خپل مذهبي رسومات ادا كړې شي۔ده ووئېل پاكستان غوښتنه كړې چې د كركې او تشدد لپاره لمسول ٬ قصداً اشتعال راپېدا كول غصه كوٶنكي اقدامات دې په نړيواله كچه غېر قانوني وګرځولې شي۔ ده ووئېل په دې مهال د ”تهذيبونو اتحاد” ضروري دے چې پل جوړ كړے شي٬ دا نه چې وسوځولې شي٬ بايد د يو بل د مذهبي اعتقادات او دين احترام وكړے شي دا نه چې د دې سپكاوې وكړے شي٬ په تعميري ډول دې رابطو ته وده وركړې شي دا نه چې د تنهائۍ او ناآشنائۍ نښان كړے شي