اسلام آباد ۔ 29 ستمبر (اے پي پي) د قامي اسمبلۍ وياند وئيلي دي د درې میاشتو پارلماني هڅو په نتيجه كښې د افغانستان لپاره د ویزې نوې تګلارې منظوري وركړې شوه۔ کومه چې به افغان سوداګرو ، زده کونکو او ناروغانو ته ګټه ورسوي. د نهې په ورځ يو بيان كښی د قومي اسمبلۍ وياند ووئيل د وېزې نوې تګلارې منظوري په يو داسې وخت کښې وركړې شوې چې د قومي مصالحت اعلی كونسل مشر ډاکټر عبدالله عبدالله د پاکستان په درې ورځنۍ دوره دے۔ د افغانستان وګړو لپاره د نوې ویزې پالیسۍ په بنياد د پاتې کېدو او د ویزې موده او اندراج تر ډېر حده بدل كړے شوے ۔ دې بدلون سره به په خاص توګھ افغان وروڼو ، زده کونکو ، سوداګر ، سرمايه كارو او ناروغانو ته ګټھ ورسي۔ په طورخم به ناروغو ته وېزه 6 مياشتو لپاره وركولې شي دغسې چې هغوي په كابل كښی د پاكستان سفارت يا قونصلګرۍ ته د تللو حاجت ونه لري۔ په افغانستان كښې د پاكستان سفارت او قونصلګري به د يو كال لپاره د تجارت وېزې سره د يو نه زيات اندراج او د 5 كالو لپاره بزنس وېزا وركولې شي۔ كومه به چې پاكستان كښې پراخا كېدې شي۔ د افغانستان زده كوؤنكو ستونزو له مخې كابينې پرېكړه كړې چې هغوي به اوس د يو كال په ځائې تر خپل تعليم ترسره كېدو وېزا ترلاسه كولې شي۔ ده ووئيل د وېزې پالېسۍ منظوري د تېرو درې مياشتو پارلماني هلو ځلو په لړ كښې وركړې شوې۔ د قومي اسمبلۍ سپيكر اسد قېصر په دې حقله نوټس اخستے وو او دې لپاره ئې پارلماني ټاسك فورس جوړ كړے وو د كوم مشري چې د وزيراعظم خاص معاون ارباب شهزاد كوي۔ د وزيراعظم د خاص معاون په مشرۍ كښې د ټاسك فورس ګڼې غونډې شوي دي او د هغه په مشرۍ كښې د بارډركراسنګ پوائنټ دورې هم شوې دي۔ سپيكر پخپله د ګڼو غوڼدو مشري كړې چې په كښې په وېزا پالېسۍ كښې بدلون راوستلو له د بېلو برخو بشپړ جاج اخستے شوے دے۔ نوې وېزا پالېسي د افغانستان سره د پاكستان د ورورولۍ اړيكو ترمخه مرتب كړے شوے ده۔ دې سره به د خلكو يو بل ته نزدې كېدو او افغانانو ته آسانۍ ترلاسه شي چې ورسره به دواړو هېوادونو كښې د پرمختګ او خوشحالۍ يو نوے دور پېل شي۔ دې پالېسۍ څخه به د خېبر پختونخوا خلك په خصوصي توګه مستفيد كېږي۔
