اسلام آباد 04 اګست (اے پي پي) د قامي اسمبلۍ سپيكر اسد قيصر وئېلي دي نړيواله ټولنه دې د كشميري اولس په ضد د هندي اقداماتو او جرائمو ځواب وغواړي۔سپيكر د ټولې نړۍ د 188 پارليمانونو د سپيكرانو او پريزائيډنګ افسرانو په نامه په لېږل شويو خطونو كښې يوځل بيا د كشمير د پخوانۍ شخړې سوله ايز حل لپاره د آزاد او بې طرفه رائے شمېرنې د لارې د مسئلې په حل كولو ټينګار كړې۔د قامي اسمبلۍ سېكرټرېټ له مخې د قامي اسمبلۍ سپيكر نړيوالې ټولنې ته وئېلي دي چې د كال 2020 د اګست په پنځمه نېټه د هند د غېر قانوني ا و د يو اړخيزه اقدام يو كال پوره كېږي۔د هند د دې غېر قانوني او يو اړخيزه اقدام مقصد د غېر قانوني هندي مقبوضه كشمير د آبادۍ تناسب بدلول او د كشميري اولس اكثريت په اقليت كښې بدلولو سره دوي كمزورې كول دي۔ده ووئيل په داسې وخت كښې چې كله نړۍ د كوېډ -19 نړيوالې وباﺀ په ضد په مبارزه كښې بوښت ده۔پھ مقبوضه جمو كشمير كښې د هند پوځ مكمل آزادي ترلاسه كړی او پھ مقبوضه سيمه كښې يې د ظلم بربريت او د غېر انساني چارو كريك ډاؤن لا زيات كړې۔ده ووئيل چې د هند د نسل كشۍ ناوړه پلانونه په نظر كښې ساتلو سره سيمه ايز او نړيوال امن ته سخت خطر ورپېښ دې۔ده ووئيل چې په سمدستي توګه د دې مسئلې حل د نړيوالې ټولنې ذمه واري ده۔ده نړۍ ته ووئيل چې د دې انساني بحران په سختۍ سره نوټس واخلي۔په مقبوضه جمو كشمير كښې دې د ملګرو ملتونو تر سيوري لاندې رائے شمېرنه وكړی شي د كومې لوظ چې د ملګرو ملتونو د سلامتي كونسل پھ قراردادونو كښې شوې
