اسلام آباد 10 جولائي (اے پي پي) د قومي اسمبلۍ سپيكر اسد قېصر په زرعي ټيوب وېلونو د سبسډې معامله د قومي اسمبلۍ لپاره د خزانې قائمه كمېټې ته سپارلو سره سپارښتنه كړې٬ كمېټي دې په لسو ورځو كښې غونډهراوغواړي او دا مسئله دې حل كړي او كروندګرو له د برېښنا او پېټرول وركړے پشمول د هغوي ټول اړوند ضروريات په تندې سره ترسره كولو لپاره دې نظام تشكيل كړي. د جمعې په ورځ د قومي اسمبلۍ غونډه كښې په ټيوب وېلونو د برېښنا سبسډې په اړه د طالب حسېن نكئي د پام راګرځونې نوټس په ځواب كښې د توان وفاقي وزير عمر ايوب خان ووئيل په ټيوب وېلونو 5.35 روپې يو ډول سبسډي وركړے كېږي، په دې كښې فيول پرائس اېډجسټمنټ شامل نه دے، د ټيوب وېلونو په برېښنا بلونو كښې په دې وجه كمے زياتے كېږي.ده ووئيل كه كومه بله ګيله وي او د هېواد په كوم هم ځائې كښې بې قاعدګي شوې وي، نو مونږ به كارروائي وكړو. ده ووئيل وزيراعظم يوه غونډه رابللې وه، هلته سيد فخر امام او د اسد عمر پشمول زه هم موجود ووم، په غونډه كښې پرېكړه شوې وه چې دا سبسډي د خزانې ډويژن لخوا وركړے كېږي، د 5.35 روپې سبسډي وركولو لپاره به 29 اربه پكار وي. دا په كومه طريقه كول دي، د وزيراعظم لخوا د وزيرانو پشمول كمېټي به په راتلونكو څو ورځو كښې په دې لړ كښې پرېكړه وكړي. سپيكر د وفاقي وزير عمر ايوب خان په تجويز د پام راګرځونې نوټس د خزانې قائمه كمېټې ته لېږلو سره سپارښتنه وكړه چې په دې معامله په لسو ورځو كښې غونډه راوغواړئ او دا معامله په سمدستي توګه حل كړئ
