اسلام آباد 30 جولائي (اے پي پي) د هوابازې وفاقي وزير غلام سرور خان د ګولړه شريف سجاده نشين پير سيد شاه عبدالحق ګېلاني په مړينه خواشيني ښودلې ده . د زيارت په ورځ د غمرازې په خپل بيان كښې وفاقي وزير د ګولړه شريف د پير سيد شاه عبدالحق په مړينه خواشيني وښودله او غم جنې كورنۍ سره ئې غمرازي وكړه. ده ووئيل د پير سيد شاه عبدالحق ګېلاني ديني خدمات به تل ياد ساتلے شي. ده دعا وكړه چې لوي څښتن دې ارواښاد ته د خپل رحم په پلو كښې ځائې او غم جنۍ كورنۍ ته د زغم توفيق وركړي.
