اسلام آباد 06 جولائي (اے پي پي) پاكستان د هند سينئر سفارتكار خارجه دفتر ته راغوښتے دے او د جولائي په 5مه نېټه ئې د كنټرول لائن په نكيال سېكټر د جنګ بندې په خلاف ورزو ورته سخت احتجاج ريكارډ كړے . د هندي پوځ په بلا اشتعاله ډزو د درېو ماشومانو پشمول پنځه بې ګناه وګړي سخت ژوبل شوي. د خارجه دفتر وياند له مخې د ګل په ورځ د هند سينئر سفارتكار خارجه دفتر ته راغوښتلے شوے او احتجاجي مراسله وركړې شوې او وئيلي شوي ورته چې د هند قابض ځواكونه د اېل او سي او وركنګ باٶنډري پرله پسې خلاف ورزې كولو سره د آرټلري، درنې او خودكار وسلې د لارې د عامو وګړو آبادې په نښه كوي. د هند سفارتكار ته ووئيل شول د وګړو آبادې قصداً په نښه كول ډېر د افسوس وړ، د انساني عظمت او وقار، د نړيوالو بشري حقونو او د نړيوالو بشري حقونو سخته خلاف ورزي ده. د هند لخوا د جنګ بندې د دې خلاف ورزو په نتيجه كښې سيمه ايز امن او سلامتيا سختو خطرو سره مخ ده او نتيجه ئې د ستراتېژيكي غلطې په صورت راوتلې شي. هند سږ كال 1595 ځله د جنګ بندې خلاف ورزې كړې چې پكښې 14 بې ګناه وګړي شهيدان او 121 ژوبل شوي دي. هندي سفارتكار ته ووئيل شول په اېل او سي تاٶ تريخوالې زياتولو سره هند په مقبوضه كشمير كښې د بشري حقونو سختو سرغړونو او ظلمونو څخه د نړۍ پام نه شي اخوا كولے. هند ته ووئيل شول هغه دې د كال 2003م د جنګ بندې لوظنامه عملي كړي، د جنګ بندې د خلاف ورزو پېښو پلټنې دې وكړي، د هند پوځ ته دې د جنګ بندې د احترام امر وكړي، په اېل او سي او وركنګ باٶنډري دې د دې د روح له مخې امن په راوستلے شي او د ملګرو ملتونو د سلامتي كونسل د قراردادونو له مخې دې د ملګرو ملتونو پوځي مبصرينو ﴿يو اېن اېم او جي آئی پی) ته د خپل كردار ترسره كولو اجازه وركړي
