اسلام آباد ۔ 8 جولائی (اے پی پی) وزیراعظم عمران خان وئيلي دي د كورونا وباﺀ دلاسه د ټولنې كمزورې او مزدور طبقه تر ټولو زياته ځپلې شوې ده۔ د دوئي تحفظ له به په ګډه حكمت عملي وضعه كول وي۔ پاكستان د كرفيو او مكمل لاك ډاؤن په ځائې د سمارټ لاك ډاؤن تګلاره خپله كړه او د كركيلې او تعميراتو څانګې ئې پرانستلې۔ غیر رسمی معیشت سره تړلې مزدور طبقې سره ئې مالي مرسته وكړه۔ مونږ له به لوئې هېوادونه هم قائل كول وي دغسې چې مزدور طبقې سره د خواخوږۍ رويه خپله كړي۔ ددې خيالاتو څرګندونه ده د انټرنېشنل لېبر آرګنائزېشن (آئی اېل او) ترسېوري لاندې 5 ورځني نړيوال كنفرنس ته د وېډيو كنفرنس دلارې خطاب كښې وكړه۔ وزیراعظم عمران خان د كنفرنس په كولو او دې ته د خطاب په بلنه د آئي اېل او د ډي جي مننه وكړه۔ ده ووئيل د كورونا وباﺀ مخنيوي له د شوي لاك ډاؤن دلاسه ګرده نړۍ كښې مزدور طبقه زياتې ځپلې شوې ده۔ دا كنفرنس د لېبر كميونټي تحفظ حوالې سره ډېر مهم دے۔ ده ووئيل مونږ له به د لېبر کمیونټی تحفظ له په ګډه حكمت عملي جوړول وي۔ ده ووئيل يو اړخ ته مونږ له د دې وباﺀ د خپرېدو مخنيوې كول وو ولې كه دا تندۍ سره خپره شوې وه نو روغتونونو كښې به د رنځورانو رش جوړ شوې وو او د دوئي سنبالول به ګران شوې وو۔ بل اړخ ته زمونږ معيشت كښې زياتره وړو كاروبارونو او لېبر سره تړون لري۔ د لاك ډاؤن د لاسه دا خلق بې روزګاره شول چې په نتيجه كښې ئې د دوئي كورنيو ضرورتونه ترسره كول ګران شول۔ ده ووئيل زمونږ د معيشت لويه برخه په غېر رسمي معيشت مشتمل ده او زياتره طبقه رجسټرډ نه ده۔ د لاك ډاؤن د لاسه په اولنو دوه درې اونيو كښې وړې طبقې لويو ستونزو سره مخ شوې۔ دې نه وروستو مونږ د سمارټ لاك ډاؤن پالېسي اختيار كړه۔ مونږ له خپله وړه او كمزورې طبقه بچ كول وو۔ مونږ په اولسي غونډو ٬ سكولونو ٬ كالجونو او د لوبو په هلو ځلو بندېزونه ولګول او د تعميراتو او كركيلې څانګه مو پرانستله۔ ولې چې د كركيلې څانګې بندېدو سره به د خوراك ستونزه رامخې ته شوې وه۔ دې سره سره مونږ كمزورې طبقې سره مالي مرسته كول پېل كړل۔ غېر رجسټرډ وګړي مو په سمدستي توګه احساس پروګرام كښې رجسټرډ كړل۔ په مختصر وخت كښې پاكستان كښې كله هم دومره لوئې ګرانټ وركړے شوے نه دے۔ ده ووئيل زمونږ په مقابله كښې هند كرفيو ولګوله۔ هلته د لكھونو په شمېر مزدوران بې روزګاره شول۔ حالات ناوړه شؤ او خلق د لوږې نه مړه كېدل پېل شؤ۔ د بې وزلۍ شرح هم زياته شوه۔ ده وئيل سباؤن غېر يقيني دے او څه نه شؤ وئيلې چې صورتحال ښه كېدو كښې به څومره وخت لګي۔ ده ووئيل دعا كوؤ چې وېكسين زر تر زره راشي دغسې چې په دې وائرس قابو وموندلې شي۔ ده ووئيل مونږ له به بهر هېوادونو كښې مېشته وګړو له هم حكمت عملي وضعه كول وي۔ ولې چې زمونږ لوئے شمېر كار كوؤنكي بهر هېوادونو كښې دي او زمونږ انحصار په غېر ملكي زرمبادله دے۔ مونږ له به لوئې هېوادونه هم قائل كول وي دغسې چې مزدور طبقې سره د خواخوږۍ رويه خپله كړي۔ده ووئيل په دې سخت وخت كښې د مهم كنفرنس په كولو زه مننه كوم۔ مونږ خپلې تجربې د نړۍ نورو هېوادونو سره شيئر كولو له چمتو يؤ او د نورو هېوادو تجربو څخه زده كړه كولو كښې خوښي هم لرؤ۔ ده ووئيل باور لرم چې دا كنفرس به د مزدورانو مرستې له ډېر مهم ثابت شي۔ وزيراعظم هيله ولرله چې يو بل سره ناستې او خپلو كښې خبره كولو سره به د وړاندې تګ لاره رامخې ته شي۔ كنفرنس ته يو شمېر نړيوالو لارښودو او د بېلو هېوادونو صدرانو او وزيراعظمانو خطاب وكړو او خپلو هېوادونو كښې كورونا وائرس ځپلې طبقو لپاره ئې پورته كړې شوي حكومتي ګامونه په ډاګه كړل۔ دوئي
