اسلام آباد 27 جون (اے پي پي) نېشنل ډيزاسټر مېنجمنټ اتهارټۍ﴿ اېن ډي اېم اے﴾ د سندھ وزيراعلٰي لخوا د ملخانو آپرېشن لپاره د ګاډو خريدارې په اړه بيان رد كړے او وئيلي ئې دي چې اېن ډي اېم اے د سندھ حكومت ته د ګاډي خريدارې لپاره كوم لسټ نه دې وركړے. په دې اړه د سندھ وزيراعلٰي لخوا په صوبائي اسمبلۍ كښې وركړے شوے بيان د حقائقو په ضد دے. د خالي په ورځ د اېن ډي اېم اے وياند په يو جاري شوي بيان كښې ووئيل چې اېن ډي اېم اے د سندھ پشمول ټولو صوبو ته د ملخانو په ضد آپرېشن لپاره د اېن اېل سي سي په مرسته په مطلوبه شمېره كښې د پوځ ګاډي وركړي دي. د دې نه علاوه صوبو ته د ضرورت له مخې نورې وسيلې هم د اېن اېل سي سي د لارې وركړې شوې دي. وياند ووئيل چې اېن ډي اېم اے وړاندې هم په دې اړه دريځ وركړے، د ملخانو په ضد اېكشن پلان د خوراك وزارت لخوا جاري شوے
