د پېټرول د بېعو پرېكړه د نړيوالې منډئې له مخې كېږي. شهباز ګل

اسلام آباد 27 جون (اے پي پي) د وزيراعظم د سياسي چارو خاص مرستيال ډاكټر شهباز ګل وئيلي دي چې د پېټرول د بېعو پرېكړه د نړيوالې منډئې له مخې كېږي، كله چې په نړۍ كښې بيعې ټيټې شوې نو وزيراعظم په سمدستي توګه ريليف وركولو لپاره بېعې كمې كړې او اوس په ټوله نړۍ كښې د اضافې اثرات رامخې ته كېږي. د خالي په ورځ په ټويټر په خپل ټويټ كښې ده ووئيل چې په پاكستان كښې اوس هم بېعې په منطقه كښې تر ټولو ټيټې دي. په هند كښې 180 ، په جاپان كښې 196، په بنګله دېش كښې 174 او په چين كښېا 138 روپې دي. ډاكټر شهباز ګل د اپوزيشن لارښود شهباز شريف د ټويټ په غبرګون كښې ووئيل چې تاسو د هغه منتخب مشر خبره كوئ كوم چې د اربونو روپو د لندن فلېټس، د بې نامې اكاٶنټونو او د آمدن نه د زياتو اثاثو ځواب نه لري. ده ووئيل چې عدالتونو سزا وركړه نو بيمار شو، حقيقي وطن لند ته فرار ، بيا په كورونا كښې هيرو جوړېدو لپاره راغلو، نېب چې راوبللو نو بيا بيمار شو، دې ته وائي حقيقي قيادت