اسلام آباد ۔ 31 مئی (اے پی پی) دسېنېټ دوهم چيئرمېن سلیم مانډوی والا ګرد هېواد كښې د كورونا په زياتېدونكو كېسونو اندېښنه ښكاره كړې ده۔ د سېنېټ سېكرټرېټ ميډيا ونګ لخوا د جاري كړې شوي پرېس ريليز له مخې سليم مانډوي والا خپل بيان كښې وئيلي چې د كورونا وائرس رنځورانو شمېره تر خطرناك حد زياته شوې ده۔ د رنځورانو شمېره كښې د زياتوالي دلاسه روغتونونو كښې ځائې ختم شوې۔ ده ووئيل د اسلام آباد ٬ لاهور ٬ كراچۍ او لاهور روغتونونو كښې دا وخت نور ځائې نشته۔ ده ووئيل روغتونونو كښې د ګنجائش ختمېدو دلاسه رنځوران كورونو ته لېږلې شي۔ ده ووئيل په كومو ښارونو كښې چې وړاندې نه طبي آسانۍ كمې وې دغلته حالات لا ناوړه دي۔ ده ووئيل د روغتونونو دا حالت د اندېښنې وړ دے۔ ده غوښتنه وكړه چې په حالاتو قابو موندلو له دې په سمدستي توګه ګامونه پورته كړې شي
