اسلام آباد ۔ 21 مئي (اے پي پي) حکومت د چينو بحران پحقله د انكوائري كمېسون راپور جاري كولو سره وئيلي دي په تېرو پنځو كالو كښې شوګر ملز د 22 اربه روپو ټېكس وركولو سره 10 اربه روپۍ ريفنډ اخسې، رېګوليټرز د چينۍ د بحران ذمه وار ګرځولې شوي٬ د رېګولېټري د بې غورۍ له امله د چينۍ بحران پېدا شوے او بيعه زياته شوې، وفاقي كابينې د ريكوري كولو سره پېسه اولس له د بېرته وركولو او د نظام او ادارو د فعاله كولو منظوري وركړې ده، د شهباز شريف د كورنۍ په شوګر ملز كښې د ډبل رپورټنګ شواهد ترلاسه شوي، د سندھ حکومت اومني ګروپ له په سبسډي وركولو ګټه ورسولې ، جے ډي ډبليو ګروپ په غېر قانوني توګه كرشنګ زيات كړے او ډبل بلنګ او په اوور انوائسنګ كښې ككړ پاتې شوے، په آر وائي ګروپ كښې مونس الٰهي 34 فيصده شيئرز لري۔ د وفاقي كابينې غونډې نه پس ميډيا ته د بريفنګ په مهال احتساب لپاره د وزيراعظم سلاحكار شهزاد اكبر ووئيل د مخدوم خسرو بختيار يو شوګر مل نشته ، كېسز نېب ٬ اېف آئي اے او اېنټي كرپشن ته د لېږلو سفارش شوے٬ د كمېسون د سفارشاتو په رڼا كښې به په راتلونكو كښې اېكشن اخستلې ش۔ده ووئېل كمېسون سفارش كړے چې د ټېكس غلو نه كروندګرو له د لږې ادائيګې كولو روپۍ واخلئ
