اسلام آباد 03 اپرېل (اے پي پي) وزیراعظم عمران خان تعميرات څانګې لپاره د مراعاتي پېكج ، د کنسټرکشن انډسټري ډویلپمنټ بورډ جوړولو او د تعميرات څانګه د 14 اپرېل نه د پرانستلو اعلان كولو سره وئيلي دي سږ كال به په د تعمیرات په اړه سرمايه كاري كوٶنكو نه د ھغوي ذريعه آمدن نه پوښتلې كېږي، فکسډ ټېکس به نافذ كوٶ، د سيمنټ او سټيل انډسټرۍ نه سېوا په ټولو تعميراتي څانګو كښې د ود هولډنګ ټېكس ختمولو پرېكړه شوې ، نوي پاكستان هاٶسنګ سكيم لپاره د 30 اربه روپو سبسډي وركوٶ، كور خرڅونكي به نه كېپټل ګېن ټېكس نه اخلو، د بشپړ لاك ډاٶن څخه د امن او امان صورتحال راپېدا كېدو اندېښنه وه ، 22 کروړه اولس نشو بندولې، ټول قام به په ګډه كرونا له ماتې وركوي، د فاحي ادارو هلې ځلې به كوټلې كوو، د زراعت او فريټ ټرانسپورټ څانګه به په بشپړه توګه خپلواكه وي، د اتلسم بدلون نه پس يو داسې كار كول نه غواړو چې ترې اوبرېښې چي وفاق زور زبردستي كوي، ټائیګر فورس به په خپل چم ګاونډ كښې په اولس كښې شعور بېداروي، د نجي سكولونو د فيسونو په اړه پاليسي جوړوٶ ، کرونا ریلیف فنډ بې وسه طبقو لپاره جوړ كړې شوې، د برېښنا او ګاز د بلونو په ادا كولو مو د دريو مياشتو ريليف وركړې ، د چا كنكشن به نه منقطع كېږي۔ وزیراعظم عمران خان د دې خيالاتو څرګندونه د جمعې په ورځ تعمیراتو څانګې لپاره د پېكج اعلانولو په موقع خپلو خبرو كښې وكړه۔ وزیراعظم عمران خان ووئيل د کرونا چیلنج د لوېديز نه مختلف دے، ګرد هېواد نشو لاك ډآٶن كولې، مونږ د 1200 اربه روپو ريليف پېكج وركړې دې چې ورسره به په اوسنۍ وضعه كښې د عام وګړو ستونزې كمې كړې شي، اولس ته روزګار وركولو لپاره د زراعت نه پس دوېم لوے سېكټر تعمیرات دي ۔وزيراعظم ووئيل څوك دې دا نه ګڼي چې پاكستان كښې د كرونا وائرس خطر نشته۔ ده ووئيل كرونا وائرس ګردې نړۍ لپاره چلېنج دې، پاکستان كښې د كرونا چېلنج د لويديز نه مختلف دې، لويديز كښې يو خوا كرونا ده نو بل خوا معيشت دې او پاكستان يو خوا معيشت دې او بل خوا لوږه ده۔ وزیراعظم ووئيل چين ووهان په بشپړه توګه دوه مياشتو لپاره لاك ډاٶن ساتلې ٶ، پاکستان كښې د لاك ډآٶن مطلب دا دې چې غريب آبادي بندلول دي، دې لپاره ګرد هېواد نه شو بندولې۔ ده ووئيل مونږ د كرونا وباء څخه د پېدا شوي صورتحال په تناظر كښې عام وګړو ته ريليف وركولو لپاره د 1200 اربه روپو پېكج وركړې دې٬ ھغه كورنۍ چې ذريعه معاش ئې ځپلې شوې دې مرسته به ئې كېږي۔ ده ووئيل پاكستان كښې يو كروړ خلق پېكج لپاره رجسټرډ شوې دي كومو لپاره چې حكومت يو جامع پېكج اعلان كړې دې۔ ده ووئيل پاکستان كښې د كركيلي څانګه په بشپړه توګه خلاصه (پرانستې)ده او لويو او كوچنو ښارونو كښې هوټلونو څخه د خوراك څښاك څيزونو اوړلو اجازه ده، دې سره سره فريټ سروس هم آزاد ساتلې شوې دې۔ ده ووئيل ھغه ځايونو كښې په بشپړه توګه لاك ډاٶن دې چرته چې د اولس د راغونډېدو اندېښنه ده لكه چې سكولونه ، کالجونه، ماركيو هال او د لوبو مېدانونه۔ ده ووئيل دا مهال دا اندازه نشي لګولې كېدې چې وائرس به څومره په بيړه خپرېږي خو څوك دې دا نه ګڼي چې پاكستان كښې د كرونا وائرس خطر نشته ۔ ده ووئيل د كركيلي نه پس پاكستان كښې تعميرات لويه څانګه ده، زمونږ خواهش دې چې اولس ته روزګار وركولو لپاره دې څانګې ته ريليف وركړې شي ځكه چې مونږ غواړو چې د تعميراتو څانګې سره تړون لروٶنكو خواري كښو ته روزګار ترلاسه شي۔ وزیراعظم ووئيل د تعميراتو څانګې پرانستې سره به د روزګار موقعې زياتې شي ، مونږ پرېكړه كړې ده چې سږ كال به د تعميراتو په څانګه كښئ سرمايه كاري كوٶنكو څخه د آمدن پوښتنه نه كېږي، فکسډ ټېکس به نافذ كولې شي چې ورسره به د ټېكس غلا كم شي ، په سیمنټ او سټیل انډسټرۍ به ود هولډنګ ټېکس لاګو وي۔ ده ووئيل نوې پاكستان هاٶسنګ سكيم لپار ه درېش اربه روپو سبسډی وركوٶ٬ كومه كورنۍ چې خپل كور خرڅوي په ھغوي به سېلز ټېكس نه وي، صوبو سره په ګډه د ټېكس چهوټ وركوٶ۔ ده ووئيل د تعميرانو څانګې ته د انډسټرۍ درجه وركوٶنكي يو او تعميراتو لپاره د كنسټركشن انډسټري بورډ جوړٶ، د تعمیراتو څانګه به د 14م اپرېل څخه خلاصه كړې شي، دې سره سره د تعميراتو څانګې سره اړوند څانګې هم پرانځو۔ وزيراعظم ووئيل د صورتحال هره ورځ جاج اخلو، پاکستان كښې اتيا فيصده خواري كښ رجسټرډ نه دي د كومو چې رجسټرېشن ضروري دې۔ وزیراعظم ووئيل 22 كروړه اولس نه شو بندولې٬ د بشپړه لاك ډاٶن څخه د لاء اېنډ آرډر صورتحال د پېدا كېدو خطر دے، ډیفنس او ګلبرګ بندولو سره به لاك ډاٶن كاميا ب نه شي، لاك ڈاٶن به ھغه وخت كاميابېږي كله چې كچه آبادۍ او د غريبانونو محلې بندې كړې شي او داسې نه شي كېدې او دې لپاره به سوچ كول وي چې مونږ د غريبانو بنيادي ضرورتونه ترسره كولې شي، آيا مونږ د كچه آبادو غريبانانو ته خوراك رسولې شو، قام له پرېكړه كول دي چې د وائرس مقابله به څنګه كوٶ۔ وزيراعظم ووئيل مونږ له به د كرونا وائرس مخنيوي لپاره يو موټې كېدل دي، د كرونا په ضد د قام په حېث يو موټې كېدو سره د دې مخنيوي كول دي، ټائیګر فورس به خپلو سيمو كښې خلقو ته د يو موټې كېدو ترغيب وركوي، د خېرښګړې د ادارو هلې ځلې كوټلې كوٶ۔ په دې موقع د خزانې سلاحكار ډاكټر عبدا لحفیظ شېخ ووئيل سږ كال به حكومت 82 لکه ټنه غنم اخلي۔ ده ووئيل د پټرولو او ډيزلو په بيعه كښې د ليټر په سر 15 روپۍ كمي سره به د مېنځنۍ درجې طبقې ته زياته ګټه ورسي۔ ده ووئيل د ټېكس ريفنډ په مد كښې مو كاروباريانو ته سل اربه روپۍ بېرته وركړې دي۔ وزیراعظم ووئيل د نجي سكولونو فيسونو په اړه پاليسي جوړٶ، کرونا ریلیف فنډ بې وسه طبقو لپاره وركړې شوې دې۔ ده ووئيل اختلاف ھغو سره لرو څوك چې كرائسز كرپشن پټولو لپاره استعمالوي۔ ده ووئيل د اتلسم بدلون نه پس داسې يو كار كو نه غواړو كومې نه چې وبرېښي چې وفاق ځينې زبردستۍ كوي۔ ده ووئيل د ټائيګر فورس مقصد اولس كښې شعور بېدارول دي ، ټائیګر فورس به په خپل چم او ګاونډ كښې خلق په كورنو كښې پاتې كېدو لپاره پوهوي، خلق مو راغونډېدو له نه دي پرېښې ځكه لاك ډاٶن كامياب شوې ۔ وزيراعظم ووئيل د نېشنل كمانډ اېنډ آپرېشن غونډه شوې چې ټول آعلٰې وزيران او د آزاد كشمير وزيراعظم ئې هم غړي دي او په دې غونډه كښې مونږ دوي د ټول صورتحال نه خبر كړې دي او صوبې په پرېكړه كولو كښې خپلواكه دي۔ ده ووئيل هند بشپړ لاك ډاٶن كړے ٶ چې وزيراعظم په ھغې بخښنه اوغوښتله ځګه چې سماجي لرېوالي خپلول او د خلقو بې روزګاره كولو سره مسئله راپېدا شوې ۔ ده ووئيل مونږ حكمت عملۍ سره د دې چېلنج مقابله كړې ۔ ده ووئيل كرونا وائرس څخه سپين ګېرو او رنځورو ته خطر دے ٬ ده ووئېل ځوانانو له به خپل مشران او د ناروغه خېل خانې خيال ساتلو سره دوي د كرونا وائرس نه بچ كول وي۔ ده ووئيل د ټائېګر فورس د څلور لكه نه زيات رجسټرېشن شوې اوهيله لرو چې نور رضاكار به هم شامل شي ۔ ده ووئيل پاك پوځ د صورتحال مخنيوي له بشپړه مرسته كوي٬ انتطامايه او د قامي اسمبلۍ غړي او نور سياستمدار هم خپلې رائے وركوي نن چې مونږ په كوم مقام يو داسې حالات د دې نه وړاندې نه ٶ رامخې ته شوي۔
