اسلام آباد 03 اپرېل (اے پي پي) وزیراعظم عمران خان وئيلي دي د کرونا چیلنج د لوېديز نه مختلف دے، ګرد هېواد نشو لاك ډآٶن كولې، مونږ د 1200 اربه روپو ريليف پېكج وركړې چې ورسره به په اوسنۍ وضعه كښې د عامو وګړو ستونزې كمې شي، اولس ته روزګار وركولو لپاره د كر كېلې نه پس دوېم لوے سېكټر تعمیرات دے ، د تعميران څانګې ته د انډسټرۍ درجه وركوٶنكي يو او تعميرات لپاره د كنسټركشن انډسټري بورډ جوړوٶ، د تعمیرات څانګه به د 14م اپرېل څخه خلاصه كړې شي، سږ كال به د تعميرات په اړه سرمايه كاري كوٶنكو څخه د آمدن پوښتنه نه كېږي، فکسډ ټېکس به نافذ كولې شي چې ورسره به د ټېكس غلا كمه شي، نوې پاكستان هاٶسنګ سكيم لپاره د درېش اربه روپو سبسډي وركوٶ، څوك دې دا نه ګڼي چې پاكستان كښې د كرونا وائرس خطر نشته۔ وزیراعظم عمران خان د دې خيالاتو څرګندونه د جمعې په ورځ تعمیرات څانګې لپاره د پېكج اعلانولو په موقع خپلو خبرو كښې وكړه۔ ده ووئيل كرونا وائرس ګردې نړۍ لپاره چلېنج دے، پاکستان كښې د كرونا چېلنج د لويديز نه مختلف دے، لويديز كښې يو خوا كرونا ده نو بل خوا معيشت دے او پاكستان كښې يو خوا معيشت دے او بل خوا لوږه ده۔ وزیراعظم ووئيل چين ووهان په بشپړه توګه دوو مياشتو لپاره لاك ډاٶن ساتلې ٶ، پاکستان كښې د لاك ډآٶن مطلب دا دے چې غريبانان بندلول دي، دې لپاره ګرد هېواد نه شو بندولې۔ ده ووئيل مونږ د كرونا وباء څخه د پېدا شوي صورتحال په تناظر كښې عامو وګړو له ريليف وركولو لپاره د 1200 اربه روپو پېكج وركړې ٬ھغه كورنۍ چې ذريعه معاش ئې ځپلې شوے دې سره به ئې مرسته كېږي۔ ده ووئيل پاكستان كښې يو كروړ خلق پېكج لپاره رجسټرډ شوې كومو لپاره چې حكومت يو جامع پېكج اعلان كړې ۔ ده ووئيل پاکستان كښې د كركيلي څانګه په بشپړه توګه پرانستې ده او لويو او كوچنو ښارونو كښې هوټلونو څخه د خوراك څښاك څيزونو اوړلو اجازه ده، دې سره سره فريټ سروس هم آزاد ساتلې شوې ۔ ده ووئيل ھغه ځايونو كښې په بشپړه توګه لاك ډاٶن دے چرته چې د اولس د راغونډېدو اندېښنه ده لكه چې سكولونه ، کالجونه، ماركيو هال او د لوبو مېدانونه۔ ده ووئيل دا مهال دا اندازه نشي لګېدې چې وائرس به څومره په بيړه خپرېږي خو څوك دې دا نه ګڼي چې پاكستان كښې د كرونا وائرس خطر نشته ۔ ده ووئيل د كركيلي نه پس پاكستان كښې تعميرات لويه څانګه ده، زمونږ خواهش دے چې اولس ته روزګار وركولو لپاره دې څانګې ته ريليف وركړې شي ځكه چې مونږ غواړو چې د تعميرات څانګې سره تړون لروٶنكو خواري كښو ته روزګار ترلاسه شي۔ وزیراعظم ووئيل د تعميرات څانګې پرانستې سره به د روزګار موقعې زياتې شي ، مونږ پرېكړه كړې چې سږ كال به د تعميرات په اړه سرمايه كاري كوٶنكو څخه د آمدن پوښتنه نه كېږي، فکسډ ټېکس به نافذ كولې شي چې ورسره به د ټېكس غلا كمه شي ، په سیمنټ او سټیل انډسټرۍ به ود هولډنګ ټېکس لاګو وي۔ ده ووئيل نوې پاكستان هاٶسنګ سكيم لپار ه درېش اربه روپو سبسډی وركوٶ٬ كومه كورنۍ چې خپل كور خرڅوي په ھغوي به سېلز ټېكس نه وي، صوبو سره په ګډه د ټېكس اسانۍ وركوٶ۔ ده ووئيل تعميرات ته د انډسټرۍ درجه وركوٶنكي يو او تعميرات لپاره د كنسټركشن انډسټري بورډ جوړوٶ، د تعمیرات څانګه به د 14م اپرېل څخه خلاصه كړې شي، دې سره سره د تعميرات اړوندې څانګې هم پرانېځو۔ وزيراعظم ووئيل د صورتحال هره ورځ جاج اخلو، پاکستان كښې اتيا فيصده خواري كښ رجسټرډ نه دي د كومو چې رجسټرېشن ضروري دے۔ وزیراعظم ووئيل 22 كروړه اولس نشو بندولې٬ د بشپړ لاك ډاٶن څخه د لاء اېنډ آرډر صورتحال د راپېدا كېدو خطر دے، ډیفنس او ګلبرګ بندولو سره به لاك ډاٶن كاميا ب نشي، لاك ډاٶن به ھغه وخت كاميابېږي كله چې كچه آبادۍ او د غريبانونو محلې بندې كړې شي او داسې نه شي كېدې ٬ دې لپاره به سوچ كول وي چې مونږ د غريبانانو بنيادي ضرورتونه ترسره كولې شي او آيا مونږ د كچه آبادو غريبانانو ته خوراك رسولې شوو۔ده ووئېل قام له پرېكړه كول دي چې د وائرس مقابله به څنګه كوٶ۔ وزيراعظم ووئيل مونږ له به د كرونا وائرس مخنيوي لپاره يو موټې كېدل وي، د كرونا په ضد د قام په حېث يو موټې كېدو سره د دې مخنيوي كول دي، ټائیګر فورس به خپلو سيمو كښې خلقو ته د يو موټې كېدو ترغيب وركوي، د خېرښګړې ادارو هلې ځلې كوټلې كوٶ۔ په دې موقع د خزانې سلاحكار ډاكټر عبدا لحفیظ شېخ ووئيل سږ كال به حكومت 82 لکه ټنه غنم اخلي۔ ده ووئيل د پټرولو او ډيزلو په بيعه كښې د ليټر په سر 15 روپۍ كمي سره به د مېنځنۍ درجې طبقې ته زياته ګټه ورسي۔ ده ووئيل د ټېكس ريفنډ په مد كښې مو كاروباريانو ته سل اربه روپۍ بېرته وركړې۔ وزیراعظم ووئيل د نجي سكولونو فيسونو په اړه پاليسي جوړوٶ، کرونا ریلیف فنډ بې وسه طبقو لپاره وركړې شوې ۔ ده ووئيل اختلاف ھغو سره لرو څوك چې كرائسز كرپشن پټولو لپاره استعمالوي۔ ده ووئيل د اتلسم بدلون نه پس داسې يو كار كول نه غواړو كومې نه چې برېښي چې وفاق ځينې زبردستۍ كوي۔ ده ووئيل د ټائيګر فورس مقصد اولس كښې شعور بېدارول دي ، ټائیګر فورس به په چم او كوڅو كښې خلق په كورنو كښې پاتې كېدو لپاره پوهوي، خلق مو راغونډېدو له نه دي پرېښې ځكه لاك ډاٶن كامياب شوے ۔
