اسلام آباد 09 اپریل (اے پی پی) وفاقی حكومت د روژې مياشت په مهال اولس له آرزان او معیاری څيزونه وركولو لپاره په 19 څيزونو سبسډی لپاره دوه نيم اربه روپې ريليف پيكچ اعلان كړې، پیكیج به تر 7 اربه زياتولې شي ‘د آختر نه پس به هم په 5 ضروري څيزونو د سبسډی عمل دوامدار وي، په یوټیلټی سټورونو كښې د څيزونو شته والي مانیټرنګ لپاره په ضلعی كچه مانیټرنګ او ټاسك فورس به جوړولې شي ‘ (نن) څخه به ټول هيواد كښې موبائل سټور كار كړي ‘ د كلي او یونین كونسل په كچه به نور 500 یوټیلټی سټورونه پرانستلې شي ‘ رضاكار فورس د راشن رسولو او كیش منتقل كولو كښې سهولت كارۍ لپاره ښه كردار ترسره كوي ‘ وزیراعظم د معاشی ریلیف پیكیج ترمخه یوټیلټی سټور كارپوریشن له 10 اربه روپغ وركري ‘ یوټیلټی سټور به د وزیراعظم وژن ترسره كولو كښې د هر وړومبي صف كردار ترسره كوي ‘ د وزیراعظم د پالیسۍ مقصد اولسي ساونزې ختمول دي۔ دې دا خبرې د د زيارت په ورځ د یوټیلټی سټور كارپوریشن ایم ډی سره میډیا ته د بریفنګ په مهال وكړې۔ ډاكټر فردوس عاشق اعوان ووئيل د وزیراعظم عمران خان په مشرۍ كښې حكومت اولسي ستونزو كمولو له شپه ورځ كار كوي او هم دغسې د كرونا وائرس چینلج كښې به هم اولس يواځې نه پريدو۔ دې ووئيل وزیراعظم عمران خان د غريبانانو لپاره د ژوند تيرولو كیش ایمرجنسی ټرانسفر پروګرام په باضابطه توګه پيل شوې ‘ په دې پړاؤ كښې به 12 زره روپۍ يوې كورنۍ له نغدي وركولې شي ۔ دې ووئېل د دې پروګرام ترمخه به يو كروړ 20 لكه مستحقې كورنۍ استفاده وكړې شي ‘ وزیراعظم عمران خان د قام سره دا لوظ كړے چې د كرونا له امله ځپلې شوو له به هر ډول ریلیف وركولو سره سره د ضرورت بنیادی څيزونو بيعې هم كمولې شي ‘بلخوا یوټیلټی سټورز ریلیف پیكیج له آسانۍ راپيدا كوي۔ دې ووئيل حكومت یوټیلټی سټور كارپوریشن د خپلواكه كولو پريكړه كړي ‘ یوټیلټی سټورز د اولسي ریلیف لپاره يوه داسې اداره ده كومه چې د اوسني صورتحال له مخې نه يواځې كرونا ځپليو له آسانۍ پيدا كوي بلكې د عامو وګړو رسنه ورته هم ممكن كولې شي۔دې ووئيل په 5 څيزونو به د آختر نه پس هم سبسډی وركولې شي۔خاص مرستيالې ووئيل یوټیلټی سټور كارپوریشن د اولسي ستونزو كمولو لپاره په زړه پورې كردار ترسره كوي ‘ اولس نيغ په نيغه دې څخه ګټه پورته كوي۔ ډاكټر فردوس عاشق اعوان ووئيل اوسني حكومت د دې څخه وړاندې تېره روژه كښې هم د يو نيم اربه روپو سبسډی وركړې وه كومه چې د روان كال په مهال دوه نيم اربه ته رسولې شوې۔ دې ووئيل روژه د صبر مياشت وي ‘ په دې مياشت كښې اولس له ريليف وركولو لپاره به یوټیلټی سټور كارپوریشن په بشپړه توګه فعالولې شي ‘ د كرونا وائرس په وجه ټول هيواد كښې ماركیټس ‘ بازار‘ شاپنګ مال بند دي خو په دې مهال یوټیلټی سټورز پرانستې دي او د یوټیلټی سټور كارپوریشن ملازمانو شپه ورځ كار كولو سره اولس ته ضروروي څيزونه ورسولې دي۔ دې ووئيل په سخت وخت كښې حكومت یا كومه اداره 100فیصده مسئلې نشي حل كولې ‘د اولس سره په ګډه مسئلې حل كيږي ‘ حكومت او اپوزیشن سره تعلق لرونكې اولسي نمائندګان‘ این جی اوز او شته مند حضرات دې يو ځل بيا راوړاندې شي او د ستونزو هوارولو له دې ملګرتيا وكړي
