بهر هيوادونو نه د پاكستانيانو په 10 ورځو كښې د راوستلو هڅې كوو ‘ كه بيا هم څوك څه مسئله لري نو نيغ په نيغه دې ما سره رابطه وكړي ‘د قامی اسمبلۍ سپیکر اسد قیصر

اسلام آباد 10 اپریل (اے پی پی) د قامی اسمبلۍ سپیکر اسد قیصر سمندر پورې پاكستانيانو له باور وركړې چې ستاسو په 10 ورځو كښې هيواد ته بيرته راوستلو له ګامونه پورته كوو، كه بيا هم څوك څه مسئله لري نو ما سره دې رابطه وكړي۔ د قامی اسمبلۍ سيكټريټ له مخې سپيكر د ګل په ورځ د سول ایوی ایشن وزیر او پی آئی اے پشمول اړوند چارواكي رابللې وو ۔ ده ووئيل سمندر پورې پاكستانيانو سره ولاړ يم، پارلمان به د سمندر پورې پاكستانيانو سره مرسته كوي۔ ده ووئيل حکومت بهر هيوادونو نه د پاكستانيانو راوستلو لپاره فلائټ آپریشن بحالوي،نړۍ كښې چرته چې هم پاکستانیان ايسار دي هغوي ته به رسيږو،په لسو ورځو كښې په ټولو هيوادونو كښې ايسار پاكستانيانو راوستو له هڅې كوو او دې لپاره به زيات پروازونه چلولې شي، د تبلیغی جماعت وروڼو او سيلګرو لپاره خاص اقدامات كوو۔ده ووئيل يوه ذيلي كميټي د ټولو چارو جاج اخلي، کمیټی پرله پسې بهر هيوادونو كښې د پاکستانیانو مسئلو حل كولو له كار كوي۔ ده ووئيل د پاکستان سفارتخانو فعالولو سپارښتنه شوې، كه بيا هم چا ته څه ډول مسئله وي نو زما سره رابطه كولې شي