وزیراعظم عمران خان د كرونا وائرس اثراتو تر مخه معاشی پیكیج اعلان كړو

اسلام آباد 24 مارچ (اے پی پی) وزیراعظم عمران خان د كرونا وائرس اثراتو تر مخه معاشی پیكیج اعلانولو سره وئيلي دي د خوارې كښې طبقې لپاره 200 اربه روپۍ ، د ټولنې غریبې طبقې لپاره 150 اربه روپۍ، برآمد كنندګان له په سمدستي توګه 100 اربه روپۍ ریفنډ كولو، كوچنو ، لويو صنعتونو او كركيلې لپاره 100 اربه روپۍ ، یوټیلیټی سټورز لپاره نورې 50 اربه روپۍ، لاك ډاؤن څخه مخنيوي لپاره 100 اربه روپۍ او د غنمو سركاری خریدارۍ لپاره 280 اربه روپۍ بيلې كړي شوي۔ د دې خيالاتو څركندونه ده د نهې پھ ورځ د سینئر خبريالانو سره خپلو خبرو كښې وكړه۔ په دې موقع وفاقی وزیر خسرو بختیار، د وزیراعظم سلاحكار عبدالحفیظ شیخ، د وزیراعظم خاص مرستياله ډاكټر فردوس عاشق اعوان، د وزیراعظم خاص مرستيال ډاكټر ظفر مرزا، د وزیراعظم خاص مرستيال ندېم بابر او د این ډی اېم اے چیئرمېن لیفټیننټ جنرال محمد افضل هم موجود وؤ۔ وزیراعظم عمران خان ووئيل مونږ ته تر ټولو لوئ خطر د كرونا څخه نه د غلطو پريكړو څخه راپېښېدې شي ، كله چې په هېواد كښې د كرونا 21 كیسونه وؤ هغه وخت مونږ سكولونه او نورې ادارې بندې كړې وې، د لاك ډاؤن ترمخه سكول او اولسي ځايونه وړاندې څخه بند كړې شوي۔ ده ووئيل مونږ په هېواد كښې د كرفيو متحمل كيدې نشو، د كرفیو په مالداره كسانو اثر نه پريوځي خو غریبانان به دې څخه اوځپلې شي، بشپړه لاك ډاؤن كولو سره به د كچه آبادو وګړي، خوارې كښ له خوراك څوك وركوي، كرفیو د لاك ډاؤن آخری حل دے، زه او ټول ټيم د حالاتو هره ورځ جاج اخلو۔ ده ووئيل د بده مرغه تير وخت كښې د طاقتورې طبقې ګټې له پريكړې شوې، د ټولنې مالداره طبقې لپاره نجی روغتون جوړ شوے، د اولس لپاره سركاري روغتون پاتې شوے۔ وزیراعظم ووئيل د خوارې كښو لپاره 200 اربه روپۍ بيلوو، برآمد كونكو لپاره په سمدستي توګه 100 اربه روپۍ ټیكس ریفنډ وركوو، برآمد كوونكو په قرض به سود ځنډولې شي۔ ده ووئيل كوچنو او لويو صنعتونو او كركيلې لپاره 100 اربه روپۍ اېښودلې شوي، كوچنو صنعتونو او كركيلې لپاره په آسانو شرطونو به قرض وركولې شي۔ ده ووئېل د ټولنې غریبې طبقې لپاره 150 اربه روپۍ بيلې كړې شوي، هرې يوې كورنۍ له به څلور مياشتې د مياشتې په سر درې زره روپۍ وركولې شي۔ ده ووئيل د ويړيا لنګر خانو او پناه ځايونو شميره به نوره هم زياتولې شي۔ده ووئيل د یوټیلیټی سټورنو لپاره به نورې 50 اربه روپۍ بيلولې شي،د غنمو سركاری خریدارۍ لپاره 280 اربه روپۍ بيلې كړې شوي۔ ده ووئېل په پټرولیم مصنوعات ټیكس 15 روپۍ كموو، تر 300 یونټه برېښنا او د ګاز بلونه به درېو مياشتو قسطونو كښې وصولولې شي او دغسې د دالونو پشمول په ضروری څيزونو به د ټيكسونو شرح كمولې شي۔ وزيراعظم ووئېل د لاك ډاؤن اثرات مخنيوي لپاره 100 اربه روپۍ بيلې كړې شوي۔ده ووئيل تعمیراتی صنعت لپاره خاص مراعاتی پیكیج جوړوو كوم به چې ډير زر اعلان كړې شي۔ ده ووئيل د چین څخه د پاكستانو زدكونكو راستنولو پريكړه د جذبات په ځائې د هېواد په ګټه وه ، ایران د بنديزونو له امله د كرونا وائرس په ضد كوټلي اقدامات كولو كښې ناكامه راغلي۔ ده ووئېل سېلګرې تفتان كښې ساتلو لپاره انتظامات شوي۔ ده ووئيل د كرونا وباء خپريدو نه پس حكومت تندۍ سره اقدامات كړي۔ ده ووئيل كورونو ته د خوراك رسولو لپاره به د رضاكارو فورس جوړول وي۔ ده ووئيل د ټولو ادارو پشمول به قام له د كرونا وباء مخنيوي له په ګډه هڅې كول وي۔د يوې پوښتنې په ځواب ده ووئيل د میډیا كارمندانو لپاره هم خاص پیكیج جوړولو سپارښتنه شوې۔ ده ووئيل كله چې مونږ حكومت سنبھال كړو نو معیشت دیوالیه كيدو ته نزدې ؤ۔ وزیراعظم عمران خان ووئيل ډاكټران او طبی عمله د كرونا وائرس سره جنګيدو لپاره د وړومبي صف كار كوي، د و