اسلام آباد 04 مارچ (اے پي پي) وزيراعظم عمران خان سره د پېښور زلمي چيئرمېن جاوېد آپريدي او د پېښور زلمي كپتان ډېرن سيمي د شورو په ورځ ليدلي٬ په دې موقع د ېپښور زلمي هېډ كوچ محمد اكرم او بېټنګ مېنټور هاشم آمله هم موجود ٶ۔ د وزيراعظم آفس لخوا د جاري شوي بيان له مخې وزيراعظم عمران خان د پاکستان په اعزازي شهريت ترلاسه كېدو ډېرن سيمي ته مباركي وركړه۔ وزيراعظم ډېرن سيمي مخاطب كولو سره ووئيل پاكستان كښې د نړيوال كركټ بحالۍ كښې ستاسو كردار د ستائنې وړ دے ۔ وزيراعظم پاکستان كښې د سوئيلي افريقې لوبغاړي او د پېښور زلمي مېنټور هاشم آمله هم هركلے وكړو۔ ده ووئيل زه په دې خوشحاله يم چې ټول پي اېس اېل پاكستان كښې كېږي٬ خلق هم خوشحاله دي۔ ده ووئيل د پي اېس اېل په ټولو مېچونو كښې د شائقينو په لويه شمېره موجودګي او جوش او ولوله د ډاډ وړ ده٬ دا ټولې نړۍ ته د پاكستان مثبت پېغام دے۔ وزيراعظم عمران خان پاکستان كښې د نړيوال كركټ په بحالې كښې د پېښور زلمي او ډېرن سيمي د كردار ستائنه
