د چين تجربې نه زده كړه كولو سره د كورونا وائرس وباﺀ څخه بچ كېدو له به لا ګامونه پورته كړو

اسلام آباد ۔ 16 مارچ (اے پی پی) اولس مشر ډاكټر عارف علوي وئيلي دي د چين دورې مقصد د كورونا وائرس روانه وضعې تر مخه د پاكستان لخوا د چين حكومت او اولس سره د يو والي څرګندونه كول دي۔ د ګل په ورځ د چين په دوه ورځنۍ دوره روانېدو څخه وړاندې اولس مشر ووئيل ماته د دې دورې بلنه خپل چينائي همڅنګ شي جن پنګ راكړې ده۔ په دې سخت وخت كښې په مرسته او باور كولو چين د پاكستان مننه كول غواړي۔ ده ووئيل چين د كورونا وباﺀ مقابله كړې د كومې چې مونږ ستائنه كوؤ۔ اولس مشر ووئيل د چين تجربې نه زده كړه كولو سره د كورونا وائرس وباﺀ څخه بچ كېدو له به لا ګامونه پورته كړو۔ ده ووئيل دې دوره كښې به د كورونا وباﺀ د لاسه په چين كښې په شوي ځاني زيان د چين مشرتابه سره غمرازي هم وكړو