اسلام آباد ۔ 24 فروری (اے پی پی) د كوئټې لوئيديزې سيمې بائي پاس ته نزدې د اېل پي جي ګېس ټېنكر كښې د چاؤدنې پېښې په نتيجه كښې 6 كسان مړه شوي دي۔ د نجي ټي وي چېنل له مخې د ګل په ورځ سحر د كوټې لوئيديزې سيمې بائي پاس ته نزدې د مائع پېړولیم ګېس ( اېل پی جی) په ټېنکر د درنې چاؤدنې په نتيجه كښې اور ولګېدو چې په نتيجه كښې ئې 6 كسان په موقعه سوزېدو سره مړه شول۔ رېسكيو ډلې پېښه كښې د حق رسېدليو كسانو مړي بولان ميډيكل كمپلېكس ته منتقل كړي دي۔ په پېښه كښې د حق رسېدليو كسانو تر دې دمه پېژندګلو شوې نه ده۔ بلخوا پوليس مقدمه درج كولو سره د پېښې په اړه پلټنې پېل كړې دي۔
