اسلام آباد 23 فروری (اے پي پي) وزيراعظم عمران خان د اتوار په ورځ ميانوالي سره نزدې په كنديا كښې د پسرلي موسم كال 2020 د ونو نال كولو د كمپائن پرانسته وكړه. د وزيراعظم د دفتر لخوا جاري شوي بيان له مخې د ونو نال كولو د كمپائن مقصد د ځنګلاتو بحالي او زمكه د وېجاړېدو نه بچ كولو سره سره د تودوخې زياتېدونكې درجه او فضائي الودګي كمول دي.د ونو نال كولو اوسنې كمپائن به د حكومت د ګرين اېجنډې په ترسره كېدو كښې مرسته كوونكې ثابت شي. د ګرين اېجنډې مقصد نه يوازې د ايكو سسټم تحفظ او بحالي ده بلكې د دې مقصد سماجي او معاشي استحكام، ګرين جابز او په خاص توګه غريب خلقو، مېرمنو او ځوانانو لپاره د نوكرو نوې موقعې پېدا كول هم دي. د ونو نال كولو كمپائن د وزيراعظم عمران خان د وژن ګرين اكانومي په پلو پرمختګ دے.
