هندۍ مېډيا د اولس مشر ټرمپ خبري كنفرنس خپلو مقاصدو لپاره د كارولو هڅه كړې

اسلام آباد 26 فروري (اے پي پي) خارجه وزير شاه محمود قريشي وئيلي دي هندۍ مېډيا د اولس مشر ټرمپ خبري كنفرنس خپلو مقاصدو لپاره د كارولو هڅه كړې، اولس مشر ټرمپ د ترهګرې په ضد د پاكستان هڅې ستائيلې ، د مقبوضه كشمير اندېښمن صورتحال او په ټوله نړۍ كښې غبرګون تر مخه د اولس مشر ټرمپ لخوا د ثالثې وړاندېز د هندي بيانيې نفي ده. ٬ د شورو په ورځ د خارجه وزارت لخوا جاري بيان له مخې خارجه وزير شاه محمود قريشي ووئيل د تېرو دوو ورځو نه په ډيلي كښې د لس نه زيات كسان مړه شوي ، ودانې سوځولې كېږي، پېټرول پمپونه او كاروباري مركزونه سوځول شي، بايد نړۍ په سمدستي توګه د دې صورتحال خبر واخلي. ده ووئيل اولس مشر ټرمپ د زرګونو كسانو په موجودګۍ كښې په سپينو ټكو وئيلي دي عمران خان زما دوست دے او پاكستان غوره تږ لارې سره ترهګرې ته ماتې وركړې. اولس مشر ټرمپ وزيراعظم عمران خان سره د كړي لوظ له مخې د كشمير په اړه هندي وزيراعظم سره خبره كړې.