اسلام آباد 25 فروری (اے پی پی)خارجه وزير شاه محمود قرېشي وئېلي دي په سيمه كښې امن او استحكام په هغه صورت راتللې شي كله چې د كشمير مسئله حل شي۔هند دا شخړه وخت سره سره زياته كړی۔اولس مشر ټرمپ هند ته وئېلي دي امن او استحكام ودې له لاس وړاندې كړئ۔د خارجه وزارت د اړخه جاري بيان له مخې د دې خيالاتو څرګندونه ده د امريكې اولس مشر د هند دورې پھ حقله خپل بيان كښې كړې۔ده ووئيل د كشمير د اهميت څخه څوك انكار نشي كولې۔اولس مشر ټرمپ وئېلي دي په دې سيمه كښې امن او استحكام غواړو۔هغه په هند زور راوړو چې په سيمه كښې مثبت كردار ترسره كړئ او د امن او استحكام ودې لپاره لاس وړاندې كړئ۔خارجه وزير ووئيل سيمه كښې امن او استحكام لپاره د كشمير مسئلې حل كولو ته اړتيا ده۔ده ووئيل هند د 5 اګست اقداماتو سره د كشمير تشخص ځپلې او هغه يې پھ دوه برخو كښې وېشلې ٬ 206 ورځې وشوې چې په كشمير كښې لاك ډاؤن روان دے۔په داسې حالاتو كښې خبرې څنګه مخ په وړاندې تللې شي۔ ده ووئېل اولس مشر ټرمپ باور راكړی چې پاكستان د ترهه ګرۍ په ضد جنګ كښې د امن شراكتدار دے۔پاكستان چې ترهه ګرۍ ته ماتې وركولو كښې كوم پیشرفت كړی هغه په نړۍ كښې يو مثال لرې او په افغانستان كښې د امن او استحكام په حقله هم د پاكستان كردار د ټولو په وړاندې دے۔ده وئيل هغه پاكستان كوم ته چې هند يوه مسئله وئېلې وه۔نن نړۍ هغه ته د يو حل په توګه ګوري۔سيمه كښې چې پاكستان كوم كردار ترسره كوي هغه په نړۍ كښې ستائېلې كېږي۔ده ووئيل زه باور لرم چې ټرمپ به د هند دورې پھ مهال د كشمير په مسئله خبره كړې وي۔اولس مشر ټرمپ د كشمير په مسئله تشويش لري۔خارجه وزير ووئيل ټرمپ ته معلومه ده چې دوه اتومي قوتونه يو بل ته مخامخ دي۔كه حالات خراب شي نو دې سره به ټوله نړۍ اوځپلې شي۔خارجه وزير ووئيل هند له به په خپله رويه او پالېسۍ نظرثاني كول وي۔د اولس مشر ټرمپ په هند كښې د پاكستان په اړه بيان غېر معمولي ؤ د هغې د اهميت څخه انكار نه شي كېدې۔ ده ووئېل اولس مشر ټرمپ د كركټ په مېدان كښې د هندتوانظرئي لرونكو د يو لويې ټولي په وړاندې دا بيان وركړی۔اولس مشر ټرمپ وئېلي دي امريكا د پاكستان سره ښې اړيكې لري٬كله چې زمونږ حكومت راغلو نو د دواړو هېوادونو ترمينځه اړيكې ښه نه وې۔په دې زه ټول قام٬پوځ او سياسي قيادت له مباركي وركوم
