اسلام آباد ۔26 فروری (اے پی پی)وزیراعظم عمران خان وئيلي دي د پاكستان وسله والو ځواكونو چې د هندي جارحيت كوم ډول ځواب وركړې نړۍ به ئې ياد ساتي۔ هند د آر اېس اېس په كركه او فسطائيت اډانه نازي نسل پرسته نظريه باندې عمل كوي۔ هندي ګامونو سره د سوئيلي آسيا امن خطر سره مخ شوے ۔ د تېر كال په 5م اګست هند د ملګرو ملتونو د قراردادونو او شمله لوظنامې خلاف ورزۍ كولو سره د آرټیکل(A) 370 ختمولو يو اړخيزه ګام پورته كړے۔ د مقبوضه کشمیر 80 لکھ خلق 9 لكه هندي ځواكونو يرغمال كړي۔ مودی حکومت 20 كروړه مسلمانان په نخښه كړې ۔ نوې ډيلې كښې فسادات د وينې بهيولو اغاز دے۔ نړۍ دې د هندي ګامونو خبر واخلي۔ امريكائي اولس مشر د هند په خاوره د پاكستان د دريځ تائيد كړې۔ د پاكستان وسله وال پوځ ترهګري په كاميابۍ سره ختمه كړې۔ د نړۍ سپر پاور افغانستان كښې دا جنګ نه دې ګتلې ۔ د دې خيالاتو څرګندونه ده د تېر كال فرورۍ مياشتې په 26 مه نېټه د هندي جارحيت د يو كال بشپړېدو په مهال راجوړې كړې دستورې ته خطاب كښې وكړه۔ په دې موقع د پوځ سرلښكر جنرال قمر جاوېد باجوہ، د پاک هوائي ځواك مشر مجاهد انور خان، وفاقی وزيران ٬ پارلماني غړي ٬ غېر ملكي سفيران او نور اعلی سول او عسكري چارواكي موجود وو۔ وزیراعظم عمران خان ووئيل د تېر كال په پېښه پاكستاني قام د ذمه وارۍ څرګندونه وكړه او وسله والو ځواكونو چې ګوم ډول ځواب وركړې په دې مونږ وياړ لرو۔ ده ووئېل د پلوامې بريد څخه وروستو اندازه وه چې هند به جارحيت كوي۔ دغسې سحر درې بجې د پاك هوائي ځواك مشر د هندي جارحيت خبر راكړو۔ پاكستان د زغم څرګندونه وكړه او د پاكستان ځواب د ذمه وارۍ ځواب ؤ ۔ده ووئېل د هند پائيلوټ بېرته وركول د يو ذمه وار قام ثبوت ؤ خو هند كښې د ټول ټاكنو كمپائن د پاكستان به مخالفه پروپېګنډا وچلولې شو۔ ده ووئيل هند كښې مودي حكومت 20 كروړه مسلمانان د شهريت متنازعه قانون د لارې په نخښه كوي۔ هند كښې د مسلمانانو سره سره د مسيحي ورورولۍ ٬ سكھ ٬ دلت او قبائلو ټوله شمېره 50 څخه 60 كروړه ده چې ورسره به نور اقليتونه هم په نخښه كړې شي ولې د دومره لوئې اقليت په نخښه كولو به خطرناكې نتيجې رامخې ته شي۔ ده ووئيل د هند د هندوتوا فلسفه د مسلمانانو او نورو اقليتونو په ضد په كركه اډانه ده۔ ده ووئيل د پلوامه بريد او بالاكوټ پېښې څخه وروستو پاكستان هند ته بشپړ ځواب وركړو او امريكائي اولس مشر د هند دورې په مهال د پاكستان د دريځ ستائنه وكړه۔ او په كوم ډول چې ئې د پاكستان په اړه د خيالاتو څرګندونه كړې په هغې د هند ميډيا ټكونه كړي ۔ ده ووئېل د نړۍ كومه ميډيا داسې غېر ذمه وار حركت نه كوي څنګه چې د هند ميډيا كوي۔ ده ووئيل د پاك او هند ترمينځه د تاؤ تريخوالي وضعې په مهال زمونږ ميډيا ذمه وار كردار ترسره كړے۔ وزیراعظم ووئيل د هندي جارحيت په زړه پورې ځواب وركولو د پاكستان وسله والو ځواكونو ته د عقيدت پېرزوئنې وړاندې كوؤ او د سياسي مشرتابه او ميډيا ستائنه هم كوؤ۔ ده ووئيل د كومې هم مسئلې حل له طاقت كارول وروستې آپشن وي۔ ده ووئيل هېواد سخت وخت څخه تېر شوې او پاكستان كښې د سېلګرۍ په شمول د ټولو څانګو پرمختګ له ګامونه پورته كولې شي۔ ده ووئيل هېواد په سم لوري روان دے او پاكستان به هغه عظيم هېواد جوړ شي د كوم خوب چې قائد اعظم ليدلې ؤ
