اسلام آباد 17 فروری (اے پي پي)وزيراعظم عمران خان وئېلي دي چې د تېر وخت حكومتونو ګرانې او غېر منطقي لوظ نامې او انتظامات كړي چې نتيجه يې د ګرانې برېښنا او د ګرځينده قرض په صورت كښې راوتلې٬د اوسني حكومت وړومبۍ ترجيح اولس او په خاص توګه د كم آمدن٬غريب خلكو او د صنعتونو وده ده۔ده دا خبرې د ګل په ورځ په خپله مشرۍ كښې خان د برېښنا او ګاز په بيعو كښې د كمي او د كورونو صارفينو او صنعتونو ته د رېليف وركولو په اړه غونډې ته په خپله وېنا كښې وكړې۔په غونډه كښې د توان وزير عمر ايوب٬د منصوبه بندۍ اسد عمر٬د خزانې صلاحكار ډاكټر عبدالحفيظ شېخ٬د وزيراعظم د اطلاعات او خپرونو خاص مرستيالې ډاكټر فردوس عاشق اعوان٬د وزيراعظم خاص مرستيال شهزاد قاسم٬د وزيراعظم خاص مرستيال نديم بابر او اعلٰی چارواكو ګډون وكړو۔په غونډه كښې د وزيراعظم په هدايت د برېښنا او ګاز په بيعو كښې استحكام او ترممكنه حده كمې كولو لپاره بېلا بېل تجويزونه وړاندې كړې شول۔وزيراعظم د برېښنا او د ګاز د بيعو د اوسني صورتحال او په دې لړ كښې د ستونزو نه هم خبر كړو۔د وزيراعظم د پیټړوليم خاص مرستيال نديم بابر د ګاز په بيعو كښې د ممكنه كمي په اړه د اوږدې مودې د پلان تجويزونه وړاندې كړل۔وزيراعظم عمران خان ته ووئيل شول چې د اوسني حكومت هڅه ده چې كه يو خوا په دې څانګو كښې انتظامي اصلاحات وكړې شي چې ورسره د كورونو صارفينو او صنعتونو ته په مناسبه بيعه د برېښنا وركړه هم ممكنه كړې شي چې دغسې اولس رېليف ترلاسه كړي او صنعتي څانګه وده وكړي۔وزيراعظم ته ووئيل شول چې د اوسني حكومت د اقداماتو په وجه د برېښنا غلا مخ نيوي لپاره كوټلي اقدامات شوي او د دې نتيجه د 122 ارب روپو د آمدن په صورت كښې راوتلې۔ګرځينده قرض د مياشتنې 38 ارب اضافې نه كمولو سره 12 ارب روپو ته راوستلې شوې۔د روان كال تر پاې صفر ته راوستلې شي۔وزيراعظم ته ووئيل شول چې په تېر وخت كښې د برېښنا د كارخانو قيمت هم اوسني حكومت ته ادا كول دي او د دې اضافي بوج هم اولس ته زغمل وي۔غونډې ته په خپله وېنا كښې وزيراعظم عمران خان ووئيل چې د تېر وخت حكومتونو ګرانې او غېر منطقي لوظ نامې او انتظامات كړي چې نتيجه يې د ګرانې برېښنا او د ګرځينده قرض په صورت كښې راوتلې٬د اوسني حكومت وړومبۍ ترجيح اولس او په خاص توګه د كم آمدن٬غريب خلكو او د صنعتونو وده ده۔
