صوابې 18 جنوري (اے پي پي) د قومي اسمبلۍ سپيكر اسد قېصر وئيلي دي چې چين تل د پاكستان ملګرتيا كړے، مونږ د كشمير په معامله د چين د ملاتړ مننه كوو. په صوابې مرغز كښې د فري آئي كېمپ دورې كولو نه پس خبريالانو سره په خبرو كښې ده ووئيل چې د كشمير په مسئله د چين لخوا د پوزيشن نه بدلولو هركلې كوو. ده ووئيل چې هند په مقبوضه كشمير كښې د نازي په طرز د حراستي مركزونو جوړولو پلان جوړ كړے. كه نړۍ په كشمير كښې د هند په ظلمونو آواز پورته نه كړو نو د اندېښمن صورتحال په نتيجه كښې انساني الميه پېدا كېدې شي.
