سرينګر 19 جنوري (اے پي پي) په مقبوضه كشميړ كښې پرله پسې په 168مه ورځ هم د هند پوځي محاصره روانه وه چې له امله ئې د مقبوضه سيمې او جمو په منطقه كښې صورتحال د پخوا په شان بدتره و. د كشمير مېډيا سروس له مخې د بندېزونو، انټرنېټ او موبائل فون سروس معطلې په وجه خلق سختو ستونزو سره مخ دي. د محاصرې او بندېزونو له امله خلق د خوراك، د ژوند بچ كولو داروګانو او نورو ضرورياتو سخت كمي سره مخ دي. كشميريانو د هندي اقداماتو په ضد سول نافرماني روانه ساتلې. له بلې خوا د سخت ساړه په وجه د كشميريانو ستونزې لا زياتې شوې دي. قابض چارواكو د هندي وزيرانو د يوې ډلې د دورې په مهال د امنيت په نوم په مقبوضه كشمير كښې بندېزونه لا سخت كړي دي او خلقو ته په آزادې سره د تګ راتګ اجازه نه وركول كېږي.
