اسلام آباد 14 جنوري (اے پي پي) اولس مشر ډاکټر عارف علوي وئيلي دي په صدارتي دفتر كښې د وفاقي محتسبينو د پرېكړو په ضد اپيلونه په يوه ورځ كښې ترسره كېږي٬ د سركاري ادارو په ضد په ګيلو د كوم ځنډ نه غېر او زر پرېكړې لپاره د محتسب اداره په بشپړه توګه فعاله ده٬ اولس اړوندو څانګو كښې د بنېوا كېدو په صورت محتسبينو څخه مراجعه كوي۔ اولس مشر ډاکټر عارف علوي دا خبرې د نهې په ورځ كال 2019 كښې د محتسبينو لخوا د ترسره شوو كېسونو په اړه خپل وېډيو پېغام كښې كړې۔اولس مشر ووئيل د صدارتي دفتر ماتحت پنځه داسې مهمې ادارې كار كوي په كومو كښې چې د اولس په مسئلو په بيړه پرېكړې كېږي ٬ دا د وفاقي محتسبينو ادارې دي چې پكښې وفاقي محتسب، ټېکس محتسب، انشورنس محتسب، بنکنګ محتسب او د مېرمنو په ضد د هراسيت مخنيوي لپاره د محتسب اداره شامله ده۔ اولس مشر ووئيل په دې ادارو كښې ګيلې درج لپاره د كوم وكيل حاجت نه وي٬ دا ادارې د سائيلينو خپله مرسته كوي٬ د وفاق ټولې څانګې د دې پنځو محتسبينو په دائره اختيار كښې راځي۔ اولس مشر ووئيل زما دفتر ته د 600 نه زيات اپيلونه راغلي په ھغې د اولس مشر په توګه په يوه ورځ كښې پرېكړه شوې ٬ په صدارتي دفتر كښې يو هم اپيل د يوې ورځې نه زيات نه دې ايسار شوې۔ ده ووئيل محتسبين په هره ګيله په 60 ورځو كښې د پرېكړې كولو پابند دي٬ كه د هرې ادارې په ضد هم ګيله وي په محتسب اداره كښې به پرې كاروائي كېږي۔ اولس مشر د ترسره شوو كېسونو په اړه ووئيل په دې كښې د مېرمنو د هراسمنټ٬ د برېښنا كنكشن يا د ګاز كنكشن لپاره د بډو اخستو٬ اوور بلنګ او د اے ټي اېم يا بانك سره تړون لرونكو د فراډ پحقله ګيلې وي په كومو چې په انصاف اډآنه پرېكړې شوې ۔ اولس مشر ووئيل كه اړونده اتهارټي د فرياد اورېدو لباره چمتو نه وي نو د دې ډول ګيلو پرېكړې محتسبين كوي۔ اولس مشر ووئيل د وفاقي محتسبينو دفترو كښې د يو لك نه زيات كېسونه راځي خو په دې لړ كښې اولس زيات معلومات نه لري چې وفاقي محتسب په 60 ورځو كښې د پرېكړې پابند وي ۔ده ووئېل كه د دې پرېكړې په ضد اپېل وي نو په 25 يا 30 ورځو كښې ئې پرېكړه كولې شي٬ د پرېكړې په ضد اپېل به صدارتي دفتر ته راځي نو زه په دعوې سره وايم چې د تير يو كال په مهال په صدارتي دفتر كښې يو فائل هم د يوې ورځې نه زيات نه دې ايسار شوې٬ دا د دې خبرې ثبوت دے چې د محتسب اداره د زر او د خنډ نه غېر د انصاف لويه او ښه اداره ده۔ده ووئېل د وفاقي ادارو په ضد چې هر ډول ګيله وي په ھغې د وكيل نه غېر به انصاف وركولې شي۔ اولس مشر ډاكټر عارف علوي
