اسلام آباد 18 جنوري (اے پي پي) وزيراعظم عمران خان وئيلي دي چې ټول قوم د سلمان خان په بهادرې فخر كوي، سلمان خان ډېره د بهادرې څرګندونه كولو سره په كچلاك كښې په سخته واوره كښې ګېر شوي د 100 نه زيات كسان بچ كړي دي. په خپل يو ټويټ كښې وزيراعظم ووئيل چې ټول قوم د سلمان خان په بهادرې فخر كوي. ده بغېر د كوم غرض نه ډېره د بهادرې څرګندونه كولو سره په واوره كښې د ګېر شويو خلقو مرسته كړې. وزيراعظم په ټويټر په دې لړ كښې د يو نجي ټيلي ويژن نيور رپورټ هم شريك كړو. په راپور كښې وئيلي شوي دي چې د كچلاك 30 كلن ځوان اتل جوړ شوے كوم چې تېره اونۍ د 100 نه د زياتو كسانو ژوند بچ كړے.
