اسلام آباد ۔ 14 جنوری (اے پی پی) د وزیراعظم د روغتيا خصوصي مرستيال ډاكټر ظفر مرزا وئيلي دي په كوم ډول چې موسمياتي بدلونونه رامخې ته كېږي هغه پاكستان كښې صحت عامه لپاره لوئې خطر دي۔ پاكستان د نړۍ په هغه هېوادونو كښې دې كوم چې د موسمياتي بدلونو خطرو سره مخ دي۔ مونږ له به دې بدلونونو سره سم ګامونه پورته كولو له هڅې كول وي۔ ددې خيالاتو څرګندونه ده د نهې په ورځ خپله مشرۍ كښې موسمياتي بدلون او روغتيا سره د اړوندو پوهانو وركنګ ګروپ غونډه كښې خبرو كښې وكړه۔ خصوصي مرستيال ووئيل د پوهانو له مخې د روانې پېړۍ تر پايې به د ګلوبل وارمنګ په نتيجه كښې پاكستان كښې درجه حرارت تر 6 سنټي ګرېډ پورته لاړ شي۔ ددې اثراتو څخه بچ كېدو له به مونږ له ضروري ګامونه پورته كول وي۔ ده ووئيل پاكستان كښې د موسمي بدلونونو له امله په بشري صحت چې كوم اغېز راځي په دې به كمېټي غور كوي۔ دې ته چاهم پام نه دې كړې۔ ده ووئيل يوه داسې پالېسي جوړول غواړو چې بدلېدونكي موسم سره د خپل ژوند ډول بدلولو سره سره د موسمياتي بدلونونو څخه زيان پورته كولو په ځائې دې څخه ګټه پورته كړو
