لاهور 18 جنوري (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې په خېبر پښتونخوا كښې د هېموفيليا قانون جوړ شوے، قانون به د وفاق او پنجاب په كچه هم معرفي كوو، حكومت د ډېرو روپو په مرسته احساس پروګرام معرفي كړے، سندس فاٶنډېشن به هم د احساس پروګرام برخه جوړولې شي. هغې دا خبرې د خالي په ورځ په سندس فاٶنډېشن كښې د نامتو خبريال كالم ليكونكي منو بهائي د دويم تلين په موقع دستورې ته په خپله وېنا كښې وكړې. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې د سندس فاٶنډېشن هڅې نه شي هېرول كېدے، منو بهائي يو عظيم انسان وو كوم چې په ټولنه كښې د غم ځپليو خدمت لپاره هر يوه هغه هڅه كړې كومه چې لازم او ملزوم وي. هغې ووئيل چې شتمن خلق دې د انسانيت خدمت لپاره د سندس فاٶنډېشن برخه جوړ شي. سندس فاٶنډېشن په بېلا بېلو ښارونو كښې د 6 زره ماشومانو خدمت كوي. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې وزيراعظم عمران خان د كېنسر د رنځورانو درد محسوسولو سره شوكت خانم روغتون جوړ كړے. هغې ووئيل چې په خېبر پښتونخوا كښې د هېموفيليا قانون جوړ شوے، قانون به د وفاق او پنجاب په كچه هم معرفي كوو، حكومت د ډېرو روپو په مرسته احساس پروګرام معرفي كړے، سندس فاٶنډېشن به هم د احساس پروګرام برخه جوړولې شي.
