اسلام آباد 14 جنوري (اے پي پي) د لاهور افغان امن بهير له مخې انټر افغان ډائيلاګ د ګول مېز کنفرنس ګډون كوٶنكو وئيلي دي افغانستان كښې امن لپاره ټولو ډلو او سياسي ګوندونو ته د امن بهير كښې ګډون كولو ته اړتيا ده٬ تورونه لګول د يوې ډلې په ګټه نه دي٬ ټولو ډلو له شريك باور لپاره عملي اقدامات كول پكار دي٬ د افغان امن عمل کاميابۍ لپاره د پاکستان په زړه پورې عملي هلې ځلې د ستائنه وړ دي۔ د نهې په ورځ د لاهور سنټر فار پيس ريسرچ تر سېوري لاندې انټر افغان ډائيلاګ ګول مېز كنفرنس ته خپلې وېنا كښې محمد صادق٬ عارف دراني، ډاکټر اے زېډ هلالي، ډاکټر سلميٰ ملك، ډاکټر عظمت حيات، سليم صافي او جمعه خان صوفي وېنا وكړه۔ په كنفرنس كښې د حزب وحدت مردم افغانستان مشر حاجي محمد محقق په مشرۍ كښې 13 كسيزه افغان پلاوي هم ګډون كړې۔ حاجي محمد محقق ووئيل د افغان اولس د اوږدې مودې لپاره د بېلا بېلو ډلو ترمېنځه د روانو مذاكراتو كاميابۍ له هيله لرو٬ افغانستان د جنګ نه خلاصولو او مستقل امن لپاره ټولو ډلو او سياسي ګوندونو ته د امن عمل كښې ګډون كولو ته اړتيا ده۔ ګول مېز كنفرنس ته محمد صادق، عارف دراني، ډاکټر اے زيډ ھلالي، ډاکټر سلميٰ ملك، ډاکټر عظمت حيات، سليم صافي او جمعه خان صوفي هم وېنا وكړه۔ دوي ووئيل د افغان امن عمل کاميابۍ لپاره د پاکستان په زړه پورې هلې ځلې د ستائنه وړ دي٬ يوازې افغانان د خپل مقدر حتمي پرېكړه كولې شي٬ كوم چې د افغان قيادت په روغه جوړه ممكن ده ۔ د يادونې وړ ده افغانستان كښې روان امن عمل ته وده وركولو لپاره د لاهور سنټر فار پيس ريسرچ هلو ځلو څخه د افغان مذاکراتو دا سلسله جون كال 2019 كښې د بهوربن كنفرنس څخه پېل شوې
