اسلام آباد 26 جنوري (اے پي پي) د سمندري چارو وفاقي وزير سيد علي حېدر زېدي وئيلي دي چې د پاكستان تحريك انصاف ﴿پي ټي آئي﴾ د حكومت د غوره حكمت عملې په سبب معيشت مخ په ښه كېدو دے، كال 2020م به د اقتصادي پرمختګ او استحكام كال وي. يو نجي ټي وي چېنل سره په خبرو كښې وفاقي وزير ووئيل چې د پي ټي آئي حكومت به خپله آئيني موده پوره كو او د كاركردګۍ په بنياد به په راتلونكو ټولټاكنو كښې هم بريالې كېږي. ده ووئيل چې د فلاحي پروژو، كوټلي اقداماتو او د هېواد ګټې لپاره د شپې ورځې هڅو څخه څرګندېږي چې راتلونكي لس كاله به هم عمران خان د پاكستان وزيراعظم وي. ده ووئيل چې د عمران خان په مشرې كښې هېواد د پرمختګ په لار روان دے. ده ووئيل چې بدعنواني به نه شي زغملې او په دې كښې ككړو ته به سزا وركولې شي.
