اسلام آباد 17 جنوري (اے پي پي) د پارلماني چارو وفاقي وزير اعظم خان سواتي وئيلي دي د چيف الېکشن کمشنر او د الېکشن کميشن د غړو ټاكنه به زر په اتفاق وكړې شي۔ د جمعې په ورځ د پارلماني كمېټۍ غونډې نه پس ميديا سره په خبرو كښې وفاقي وزير ووئيل د حكومت او مخالفې ډلې لخوا به ډېر زر نامې پارلماني كمېټۍ ته څرګندې كړې شي۔ ده ووئيل حكومت او مخالفه ډله دا عزم لري چې د ګل تر ورځې به د چيف الېكشن كمشنر او غړو په نامو اتفاق رامخس ته شي٬ په هر صورت به د چيف اليکشن کمشنر او غړو پرېكړه كولې شي۔ وفاقي وزير ووئيل حكومت غواړي چې په يوه صوبه كښې په حكومت او بله كښې د مخالفې ډلې په تجويز كړو نومونو اتفاق راشي۔ اعظم سواتي ووئيل چيف اليکشن کمشنر نوم د حکومت او د مخالفې ډلې په اتفاق پكار دے كه په دې فارموله اتفاق اونه شي نو د نهې په ورځ به بله نوې فارموله وړاندې كولې شي
