اسلام آباد 10 دسمبر (اے پي پي) اولس مشر ډاكټر عارف علوي په شخړيز كشمير كښې د پوځي لاك ډاٶن ٬ كرفيو او د بشري حقونو په خلاف ورزو د تشويش څرګندونې كولو سره وئيلي دي پاکستان د کشميريانو د خپلواكۍ حق او د آزادۍ بشپړ ملاتړ كوي٬ د پاكستان حكومت د بشري حقونو تحفظ د ودې له عزم لري۔ د نهې په ورځ د بشري حقونو د نړيوالې ورځ په موقع خپل پېغام كښې اولس مشر ووئيل د دې ورځې لمانځل د بشري حقونو ودې لپاره زمونږ پوخ عزم رامخې ته كوي۔ اولس مشر په مقبوضه جمو و کشمير كښې د ملټري لاك ډاٶن ٬ کرفيو او د بشري حقوق په خلاف ورزيو د تشويش څرګندونه كولو سره په دې خبرې زور رواړو چې ټول نړيوال دولتې٬ غېر سركاري تنظيمونه٬ ميډيا او سول سوسائټي دې د مقبوضه کشمير د اولس د بشري حقونو د تحفظ او خپلواكۍ حق لپاره كردار تر سره كړي۔ ده ووئيل د بشري وقار پاسداري٬ د بشري حقونو تحفظ ٬ انساني آزادي او مساوات باري كول زمونږ د مذهب او د آئين د بنيادي اصولو برخې دي٬ د پاكستان حكومت د بشري حقونو د تحفظ زياتولو لپاره عزم لري ۔ اولس مشر ډاكټر عارف علوي ووئيل د ټولنې بې وسه او د پاتې طبقو تحفظ پلو زياته پاملرنه كول غواړي ۔(ګ ل
