نړيوال رحمت اللعالمین کنفرنس به د اتوار په ورځ اسلام آباد كښې كېږي

اسلام آباد 07 نومبر (اے پی پی) د حضور نبي كريم ۖ د زېږېدنې ورځې په لړ كښې نړيوال رحمت اللعالمین کنفرنس به د اتوار په ورځ د روانې مياشتې په 10مه نېټه اسلام آباد كښې كېږي۔ د روان كال په مهال د كنفرنس سرخط “د مدېنې ریاست او د جدید اسلامی ریاست تصور د تعلیمات نبویۖ په رڼا كښې” غوره كړې شوے۔ د مذهبي چارو وزارت كنفرنس كولو له ټولو انتظاماتو ته حتمي شكل وركړې ۔ د کنفرنس د سرخط له مخې د ګرد هېواد پوهنتونونو ٬ كالجونو ٬ ديني مدارسو ٬ علماﺀ كرامو او مشائخو تحقيقي مقالې مقابلې له استولې دي۔ دې سره سره به په سيرت او نعت رسول مقبول قامي او سيمه ايزو ژبو كښې د ليكلو كتابونو مقابله به هم وي۔ د كنفرنس د پرانستې سېشن مشري به وزیراعظم عمران خان او آخري سېشن مشري به اولس مشر ډاكټر عارف علوي كوي۔ كنفرنس كښې ګډون كولو له د ګرد هېواد مهمو شخصياتو ٬ علماﺀ كرامو ٬ مشائخو او سكالرانو ته بلنه وركولې شي۔ د مذهبي چارو وزارت ترمخه د روان كال په مهال كنفرنس كښې ګډون كولو له د سعودی عربستان، ایران، مصر، عمان، عراق، تیونس او شام علماﺀ كرام او پلاوي هم رابللې شوي۔ دغسې په خصوصي توګه د جامع الازهر او مدينه پوهنتون پروفېسرانو او د مسجد اقصي خطيب ته هم كنفرنس كښې د ګډون كولو له بلنې وركړې شوي