د وفاقي كابينې د ذيلي كمېټې غونډه به ﴿نن﴾ كېږيِ٬ په غونډه كښې به د اي سي اېل نه د نواز شريف د نوم ويستلو په خواست غور كولې شي

اسلام آباد 11 نومبر (اے پي پي) د وفاقي كابينې د ذيلي كمېټې غونډه به ﴿نن﴾ د نهې په ورځ سهار 10 بجې د قانون په وزارت كښې كېږيِ٬ په غونډه كښې به د انساني همدردې په بنياد د اي سي اېل نه د پخواني وزيراعظم نواز شريف د نوم ويستلو په اړه د پاكستان مسلم ليګ ﴿ن﴾ صدر شهباز شريف په خواست غور كولې شي۔ په دې لړ كښې خواست كوونكي شهباز شريف او نېب ته نوټس جاري كړے شوے۔ د كورنيو چارو سېكتر٬ د قانون سېكتر او نور اړوند چارواكي به په غونډه كښې ګډون كوي۔ د پنجاب د سپېشلائزډ هېلتھـ كيئر اېنډ مېډيكل اېجوكېشن ډيپارټمنټ سېكتر او د مېډيكل بورډ چيئرمېن/ كنوينئر ته هدايت شوے چې هغه په خپله ټول ريكارډ سره وړاندے شي