اسلام آباد ۔ 19 نومبر (اے پي پي) وزير خارجه شاه محمود قرېشي وئيلي دي د كشمير مسئله زمونږ د خارجه پاليسۍ مهمه ستن ده٬ بې ګناه كشميريان د هندي ظلم او بربريت نه خلاصولو او د كشمير د خپلواكۍ حق په اصولي هلو ځلو كښې به د دوي سياسي٬ اخلاقي او سفارتي مرسته روانه ساتو۔ وفاقي وزير دا خبرې د پي اېف يو جي صدر افضل بټ په مشرۍ كښې د سينئر خبريالانو پلاوي سره كړې چا چې د نهې په ورځ په خارجه وزارت كښې دوي سره ملاقات كولو۔ خبريالانو د مقبوضه جمو و کشمير پشمول په مهمو چارو د غوره خارجه پاليسي په خپلولو او په بې ګناه كشميريانو روان ظلمونه په نړيوالو فورمونو په كاميابۍ سره رامخې ته كولو خارجه وزير له مباركي وركړه۔ خارجه وزير ووئيل د شك نه غېر ميډيا د رياست مهمه ستن ده٬ د كشمير په مسئله د پاكستان دريځ رامخې ته كولو كښې د نړيوالې ميډيا سره سره د پاكستانۍ ميډيا كردار هم مثالي ؤ ۔ د خبريالانو پلاوي وفاقي وزير سره د ھغه د خور او كزن نواب عاشق حسېن قرېشي په مړينه غمرازي وكړه او د ارواښادو بخښنې لپاره ئې فاتحه خواني وكړه۔ خارجه وزير خارجه وزارت ته په راتګ د خبريالانو مننه وكړه۔ په پلاوي كښې صغير احمد چوهدري آصف بھټي، ايوب ناصر شامل وو
