اسلام آباد 19 اکتوبر (اے پي پي) وزيراعظم عمران خان د غېر ملكي نېغ په نېغه سرمايه كارې٬ برآمداتو او ترسيلات زر كښې په اضافه او د حسابات جاريه په خساره كښې په كمي د خپلې ډلې ستائنه وكړه او د دوي هڅې ئې ستائيلې دي۔ وزيراعظم په دې لړ كښې يو ټويټ كړے چې پكښې ئې څه ډېټا ګراف هم شريك كړے۔ دا ډېټا ګراف اشاره وركوي چې نېغ په نېغه سرماريه كارې كښې 111.5 فيصده او په غېر ملكي نجي سرمايه كارې كښې 194 فيصده اضافه شوې۔ د حسابات جاريه خساره په ستمبر كښې د 41 مياشتو په كمه كچه وه كومه چې د 1.27 اربه ډالرو نه كمېدو سره 259 مليونه ډالر ريكارډ كړې شوې۔ د يو كال په مهال په غېر ملكي برآمداتو كښې 5.9 فصيده اضافه شوې او په درآمداتو كښې د 18.6 فيصده كمې راغلې۔ وزيراعظم وئيلي دي چې د پاكستان تحريك انصاف حكومت چې كله جوړ شو نو د پاكستان د حسابات جاريه او مالياتي خساره په لوړه كچه وه۔ په كال 2018م كښې د پاكستان د حسابات جاريه خساره 18.25 اربه ډالر او مالياتي خساره هم دومره وه۔ دغسې بهر مېشته پاكستانيانو د حكومت په اقتصادي پالېسو بېرته د اعتماد څرګندونه كړې او د پاكستان ته ئې لا ترسيلات زر رالېږلي دي چې ورسره سږ كال په ستمبر كښې د ترسيلات زر اشارئې 17.6 فيصده اضافه څرګندوي۔
