بيجنګ 09 اکتوبر (اے پي پي) وزيراعظم عمران خان د شورو په ورځ د چين اولس مشر شي جن پنګ سره ملاقات كړے٬ په دې مهال په دوه اړخيزه ٬ سيمه ايزو او نړيوالو چارو په زړه پورې ماحول كښې خبرې اترې شوي دي ۔ د ملاقات نه پس د چين اولس مشر شي جن پنګ د وزيراعظم عمران خان په درناوي كښې د ماسپخښين مېلمستياﺀ وركړې۔ په دې موقع خارجه چارو وزير شاه محمود قرېشي، د منصوبه بندۍ وفاقي وزير مخدوم خسرو بختيار، د رېلوے وفاقي وزير شېخ رشيد احمد، د وزيراعظم د تجارت سلاحكار عبدالرزاق داٶد، توان لپاره د وزيراعظم خاص مرستيال نديم بابر، د سرمايه كارۍ بورډ چيئرمېن زبېر ګېلاني، سرلښكر جنرال قمر جاوېد باجوه، د آئي اېس آئي ډائرېكټر جنرل لېفټيننټ جنرال فېض حميد او نور لوړ پوري هم موجود وو۔ وزيراعظم عمران خان په دې موقع ووئيل چين د پاکستان ثابت قدم اتحادي او مضبوط شراکت دار او آئرن برادر دے۔ وزيراعظم ووئيل چين د پاکستان په بنيادي قامي مفاداتو بشپړه ملګرتيا كړې او د پاكستان د اقتصادي او قامي پرمختګ هدفونه سر كولو لپاره ئې مهم كردار لوبولې۔ وزيراعظم د دې خبرې پخلې وكړو چې د سي پېك منصوبو په تندۍ سره بشپړولو ته حكومت پاملرنه كوي۔ ده ووئيل سي پېك د اولس مشر شي جن پنګ د بېلټ انډ روډ اقدام نيادي برخه ده او دا به د پاکستان د اقتصادي پرمختګ ،سيمه ايزې رابطې او سوكالۍ ودې له بنيادي كردار ولوبوي۔ وزيراعظم د چين د بنيادي مفاداتو په ټولو چارو د پاكستان د بشپړه ملاتړ لپاره د عزم پخلې هم وكړٶ۔ د مقبوضه جمو و کشمير د صورتحال ذکر كولو سره وزيراعظم عمران خان ووئيل د تېريو دوو مياشتو نه زياته موده كښې د لكهونو په شمېر د كشميريانو د لاك ډاٶن له مخې په ياده شوې سيمه كښې سنګين انساني صورتحال راپېدا شوې۔ وزيراعظم د کشميريانو د ستونزو خاتمې او سيمه كښې امن او سلامتيا ته د رامخې ته خطرو نه بچ كېدو لپاره مقبوضه وادۍ څخه د كرفيو په سمدستي توګه د پورته كولو په حاجت زور رواړو۔ د چين اولس مشر شي جن پنګ د پاکستان خپلواكۍ او سيمه ايزې سالميت سره سره د پاكستان د بنيادي قامي مفاداتو په ټولو چارو د چين لخوا د غېر متزلزل ملاټر د عزم پخلې وكړو۔ ده په سماجي او اقتصادي پرمختګ او د اولس خېرښګړې لپاره د پورته كړو اقداماتو د حكومت د تږ لارې ستائنه كولو سره ووئيل پاکستان سره د چين شراکت داري لكه د غره قوي او لافاني ده٬ د دواړو هېوادونو ترمېنځه قوي تعلق به سباٶن كښې لا ژور او پراخه شي۔ ده د سي پېك په منصوبو په تندۍ سره عملدرآمد لپاره د پاكستان د هلو ځلو ستائنه كولو سره ووئيل دې سره به قامي او د سيمه ايز اقتصادي پرمختګ عمل مخ په وړاندې بوتللو له مرسته ترلاسه شي۔ شي جن پنګ د ترهګرۍ خاتمې لپاره د پاكستان د هلو ځلو ستائنه كولو سره ووئيل پاكستان د اداره جاتي او د اقتصادي اصلاحاتو د لارې كوټلې اقتصادي پرمختګ ترلاسه كولو پلو مخ په وړاندې روان دے۔ دواړو مشرانو په دې خبره اتفاق وكړو چې سوله ايز او قوي افغانستان سره به اقتصادي پرمختګ او سيمه كښې رابطې وده اومومي۔ دوي په افغانستان كښې امن او روغې جوړې لپاره د ملاتړ روانه ساتلو له د عزم پخلې وكړو۔ دواړو ډلو د پاكستان او چين ترمېنځه په ګڼ اړخيزه فورمونو په نزدې مرسته د اطمينان څرګندونه وكړه او د پاكستان او چين ترمېنځه تذويراتي مرسته قوي كولو لپاره په هره كچه تذويراتي رابطې زياتولو له د عزم څرګندونه هم وكړه۔۔
