واشنګټن 20 اکتوبر (اے پي پي) د وزيراعظم د خزانې او محصولاتو سلاكار ډاكټر عبدالحفيظ شېخ وئيلي دي چې د پاكستان معيشت تسلسل او كاميابې سره د استحكام په پلو روان دے٬ په بېلا بېلو څانګو كښې د سرمايه كارې بې شمېره موقعې موجود دي٬ بايد د دې څخه امريكائي سرمايه كار او كمپنې استفاده وكړي۔ ده دا خبرې د يو اېس پاكستان بزنس كونسل لخوا د ده او د ده د پلاوي په درنښت كښې جوړې شوې دستورې ته په خپله وېنا كښې وكړې۔ دا پلاوې د آئي اېم اېف او نړيوال بانك په كلنو غونډو كښې ګډون كولو لپاره ده سره امريكې ته تللې دے۔ دستورې ته د وېنا كولو په مهال د خزانې سلاكار په پاكستان كښې د كاروبار اسانيې لپاره د حكومت په هڅو تفصيلي رڼا واچوله او د امريكې كمپنو او سرمايه كارو ته ئې په پاكستان كښې د سرمايه كارې كولو بلنه وركړه۔ د خزانې سلاكار او د ده پلاوي د آسيائي پرمختيائي بانك صدر سره هم ملاقات وكړو۔ د خزانې سلاكار هغه د پاكستان د دورې كولو بلنه وركړه كومه چې ده قبوله كړه۔ هغه پاكستان سره د مرستې كولو باور هم وركړو۔
