اسلام آباد 18 ستمبر (اے پي پي) د وزيراعظم اطلاعات او خپرونو لپاره خاص مرستيالې ډاكټر فردوس عاشق اعوان وئيلې دي پاكستان د اقليتونو نه غېر نه بشپړېږي٬ ميډيا د مقبوضه کشمير صورتحال په كوټلې ډول رامخې ته كوي٬ د پاكستان ميډيا ته پېروزئنې وړاندې كوٶ چا چې د 5م اګست نه پس ګرده نړۍ كښې د كشمير مسئله رامخې ته كړې٬ نړۍ يو كلے جور شوې چې پكښې د ميډيا كردار ډېر مهم دے، د وزيراعظم عمران خان او د پاکستان حکومت په وخت او كوټلو اقداماتو سره د نړۍ په هر مهم فورم د كشميريانو ډاډګيرنه شوې ده ۔ د دې خيالاتو څرګندونه دې په كشمير قامي پارلماني كنفرنس ته خپلې وېنا كښې وكړه۔ ډاکټر فردوس عاشق اعوان ووئيل او آئي سي او د سلامتي كونسل پشمول د نړۍ په مهمو فورمونو د كشمير مسئله په بشپړه توګه رامخې ته كړې شوې ۔ دې ووئيل د كشمير نه غېر پاكستان نيمګړې دے٬ د كشمير مسئله پاكستانيانو لپاره عام كاز جوړ شوے، هر پاکستانې د كشمير مسئلې هواري لپاره هرې قربانۍ له چمتو دے۔ دې ووئيل د پاكستان د ټولو واكمنو د كشمير په حقله هم يو منشور راروان دے چې پاكستان په خپل اصولي دريځ ولاړ دے۔ دې ووئيل پاكستان اتومي هېواد دے او اوسنې حكومت به قام نه مايوسه كوي۔ دې ووئيل په وړومبي ځل نړۍ د پاكستان خبره اووري او هند هر ځائ كښې رسوا كېږي۔ دې ووئيل نړۍ د پاكستان د موقف ملاتړ كوي او هندي درېځ رد كېږي۔ خاص مرستيالې ووئيل ملګرو ملتونو كښې د وزيراعظم عمران خان وېنا به د قام د جذباتو ترجماني كوي٬ وزيراعظم به په هر فورم د پاكستان د پارلمان دريځ په بشپړه توګه وړاندې كوي٬ دې ووئيل ډېر زره به د هند ظلم او بربريت ماتي سره مخ شي، دې لپاره به مونږ ټولو له خپل كردار ترسره كول وي۔ ډاكټر فردوس عاشق اعوان ووئيل مونږ ټول به د پاكستان د وزيراعظم وياند او د كشميريانو غږ جوړېږو٬ د قامي مفاداتو په معامله مونږ ټول يو موټې يو۔ دې ووئيل د 5م اګست نه پس ميډيا د كشميريانو په پرهرونو ملهم اېښودو كښې خپل كردار لوبولي٬ 12 كاله پس د اروپاﺀ په پارلمان كښې د كشمير په مسئله بحث شوې٬ چې وزيراعظم په مظفرآباد كښې مودي چېلنج كړو نو د ھغې آغيز په او آئي سي هم اوشو۔ دې ووئيل نړۍ د هند بيانيه رد كولو سره نن مونږ سره ولاړه ده ٬ هند ته پخپله بيانيه په نړيواله كچه شرمندګۍ سره مخ شوې۔ دې ووئيل كشمير زمونږ د ټولو يو موټې كولو پلېټ فارم ګرځېدلې ۔ ډاكټر فردوس عاشق اعوان ووئيل وزيراعظم کشمير کاز لپاره 18 ساعته كار كوي٬ نن نړۍ د وزيراعظم خبره اووري۔ دې ووئيل دا بدل شوې او نوې پاكستان دے٬ ھغه څه به كېږي څه چې اولس غواړي۔ ډاکټر فردوس عاشق اعوان ووئيل مونږ له د يو ذمه وار رياست كردار لوبول دي٬ پاکستان كښې اقليتونو ته هر ډول تحفظ ترلاسه دے٬ د مظلومو کشميريانو غږ د پاكستان ميډيا په ښه ډول رامخې ته كړې چې په سوب ئې په اروپائي پارلمان كښې د كشمير په مسئله بحث شوې۔ دې ووئيل د كشمير مسئله زمونږ لپاره يو شريك كار دے٬ د كشمير په مسئله د سياسي مفاداتو نه پرته مونږ ټول يو موټې يو۔ ډاكټر فردوس عاشق اعوان ووئيل پاكستان د منطقې د طاقت محور او مركز دے٬ په مقبوضه کشمير كښې ظلم خپلې اخري سلګۍ اخلي او هلته به ډېر زر د آزادۍ نمر څيره اووهي
