اسلام آباد 15ستمبر (اے پي پي) پاكستان تحريك انصاف ﴿پي ټي آئي﴾ وئيلي دي چې د قرض په دلدل كښې د ښكېل هېواد د پخوانو واكمنو شاه خرچې د قوم نه پټې نه دي٬ د تېر وخت د واكمنو برعكس د وزيراعظم عمران خان د امريكې په دوره يوازې 67 زره 180 ډالر اخراجات شوي دي٬ د زرداري او نواز حكومتونو پرله پسې د قوم په شا د قرضونو بوج زيات كړے٬ د دواړو ګوندونو مشرانو د ټېكس وركوونكو پېسه په خپلو عياشو الوزولې۔ د پاكستان تحريك انصاف چيف آرګنائزر سېف الله خان نيازي په ټويټر شمېرې جاري كولو سره وئيلي دي چې چا پاكستان مقروض كړے او چا د ټېكس په پېسو څومره عياشي كړې٬ دا خبره اوس د چا نه پټه نه ده۔ ده ووئيل چې زرداري په كال 2009م كښې چې واشنګټن ته لاړو نو په دوره ئې 7 لكه 52 زره 668 ډالر خرڅ راغلو۔ نواز شريف په كال 2013م كښې واشنګټن ته لاړو نو 5 لكه 49 زره 853 ډالر خرڅ شول او وزيراعظم عمران خان په كال 2019م كښې چې كله د وزيراعظم په توګه واشنګټن ته لاړو نو يوازې 67 زره 180 ډالر اخراجات شوي دي۔ ده د پخوانو واكمنو د نورو دورو شمېرې هم جاري كړې دي۔ ده ووئيل چې د قرض په دلدل كښې د ښكېل هېواد د پخوانو واكمنو شاه خرچې د قوم نه پټې نه دي۔
