د وفاقي تعليم او پېشه ورې تربيې ډویژن پرمختيائي كارونو له 31 کروړه 90 لكه روپۍ جاري

اسلام آباد ۔ 17 ستمبر (اے پی پی) د منصوبه بندۍ ٬ پرمختګ او اصلاحات وزارت د سركاري څانګې پروګرامونو كښې د وفاقي تعليم او پېشه ورې تربيې ډويژن پرمختيائي كارونو له تردې دمه په مجموعي توګه 31 کروړه 90 لكه څخه د زياتو روپو فنډز جاري كړې دي۔ حكومت د روان مالي كال په مهال ددې ډويژن پرمختيائي كارونو له 4 اربه 79 كروړه څخه د زياتو روپو فنډز بېل كړې دي۔ د پلاننګ کمېشن لخوا د جاري كړې شويو شمېرو لمخې حكومت د آئی سی ټی هائی سکولز اپ ګرېډېشن له 14 کروړه 98 لكه، د قومی نصاب کونسل سېکرټریټ جوړولو له 1 كروړ 88 لكه ٬ ګرد هېواد كښې د بنيادي تعليم ترلاسه كولو له 10 کروړه، کپېسټی بلډنګ آف ایجوکېشن مېنجمنټ له 52 لكه، ټرېنډز اېنډ انټرنېشنل میتھمیټکس سائنس سټډیز پروګرام له 17 لكه او نېشنل کالج آف آرټس لاهور له 3 کروړه څخه د زياتو روپو فنډز جاري كړې دي۔