نيويارك 26 ستمبر (اے پي پي) خارجه وزير شاه محمود قرېشي وئيلي دي د مقبوضه کشمير 80 لكه مسلمانانو او آئي سي ته سترګې نيولې دي٬ او آئي سي كښې به په كشميريانو د ظلم په ضد غږ پورته كول وي۔ ده دا خبرې د ملګرو ملتونو د عمومي اسمبلۍ غونډې په مهال د سعودي خپل همڅنګ عادل الجبير سره په ملاقات كښې كړې۔ د خارجه دفتر وياند له مخې د ملاقات په مهال د مقبوضه كشمير په خراب صورتحال او د منطقې امن او امان ته په رامخې ته شوي خطرو د خيالاتو څرګندونه وشوه۔ د ملګرو ملتونو د عمومي اسمبلۍ غونډې په مهال د او آئي سي د رابطه ډلې په غونډه كولو ده د سعودي خپل همڅنګ مننه كولو سره ووئيل په 5م اګست مقبوضه جمو او کشمير كښې د هند د يو اړخيزه غېر قانوني اقداماتو نه پس مكه كښې د او آئي سي د رابطه ګروپ بيړنۍ غونډه رابلل او بې ګناه كشميريانو لپاره غږ پورته كول په وخت اقدام ٶ چې په سوب ئې د نړۍ پام دې كشالې پلو راګرځولې شوې۔ شاه محمود قرېشي ووئيل د مقبوضه کشمير 80 لكه مسلمانان او آئي سي پلو سترګې نيولې دي٬ او آئي سي كښې به په كشميريانو د ظلم په ضد غږ پورته كول وي ۔ دواړو مشرانو په منطقه كښې امن لپاره شريكې هلې ځلې روانې ساتلو لپاره د عزم پخلې وكړو
